Türkmenistanyň Döwlet energetika instituty ýurdumyzyň we daşary ýurtly talyplaryň gatnaşmagynda internet-olimpiadasyny geçirmegi meýilleşdirýär. Bu bäsleşik nazary mehanika ugry boýunça geçiriler.
Bäsleşik üç dilde geçirilip, şahsy we toparlaýyn ýaryşlar görnüşinde geçiriler. Türkmen, iňlis we rus dilinde geçiriljek bu bäsleşige her ýokary okuwdan talyp gatnaşyp biler. Talyp toparlary üçin guramaçylar nazary mehanikanyň bölümleri boýunça bäş mesele taýýarlapdyrlar, olary çözmäge 60 minut wagt berler.
Registrasiaýa işleri we has takyk maglumat üçin ýokary okuw jaýynyň resmi web sahypasyna girip bilersiňiz. Ýaryşlara gatnaşmak üçin arzalar 30-njy aprele çenli kabul ediler. Olimpiada şu ýylyň maý aýynyň 10-yndan 14-ine çenli aralykda geçiriler. Olimpiadanyň jemleýji güni nazary mehanikany iň gowy bilýänleriň atlary yglan ediler we olar degişli derejeli diplomlar bilen sylaglanar.
Rüstem NAZAROW,
Türkmen döwlet binagärlik-gurluşyk
institutynyň 2-nji ýyl talyby.
Teswirler