,,Huawei’’ kompaniýasy tarapyndan beden temperaturasyny ölçemek üçin ýörite enjamlaşdyrylan täze smartfon öndürildi. “Honor Play 4 Pro” smartfonynyň täze enjamy termometr hökmünde işlemäge ukyply bolup, ony maňlaýyňa we bilegiňe tutup, bedeniň temperaturasyny ölçäp bolýar.
Hytaý bazarynda ilkinji gezek satuwa çykarylmagy meýilleşdirilýän smartfonuň gyzgynlygy ölçemäge mümkinçilik berýän sensory yzky kamerasynyň ýanynda ýerleşip, bu sensor 20°C sowukdan 100°C gyzgynlyga çenli aralykdaky temperaturany ölçemäge ukyplydyr. Mundan başga-da, smartfona gurnalan gyzgynlygy ölçeýän sensory jaň edilýän pursadynda, şol sanda ulanyjy smartfony ýüzüne getiren wagtynda hem termometr hökmünde ulanyp bolýar.
“Honor Play 4 Pro” ýokary tehniki aýratynlyklar bilen üpjün edilen smartfonynyň 64 megapikselli esasy kamerasy, “Full HD Plus” 6,81 dýuýmlyk ekrany bolup, bu modeliň arzan nusgasy bolan “Honor Play 4” hem bir wagtyň özünde bilelikde çykarylar. Bu gyzgynlygy ölçemäge mümkinçilik berýän smartfonlaryň 5G aýratynlygy bolup, ikisi hem “Android 10” ulgamynda işleýär.
Ýusup BARATOW,
Türkmen döwlet maliýe institutynyň talyby.
Teswirler