Amerikanyň senagat birleşigi tarapyndan ýaýradylan maglumatlara görä 2021-nji ýylda dünýäniň ýüzünde CD satuwy soňky onýyllykda ilkinji gezek ýokarlandy.
Tehnologiýanyň ösmegi bilen käbir köne zatlar bilen hoşlaşmaly bolduk. Bir wagtlar esasanam aýdym-saz pudagynda meşhur bolan kassetalar, CD-ler bilen öz ornuny çalyşdy. Häzirki wagtda sanlylaşdyrmagyň durmuşa ornaşdyrylmagy bilen CD albomlaryna hem gyzyklanma örän ýokary derejede azaldy. Emma, Amerikanyň senagat birleşigi bu görkezijiniň 2021-nji ýylda dünýäniň ýüzünde soňky onýyllykda ilkinji gezek ýokarlanandygyny mälim etdi.
Amerikanyň senagat birleşigi, diňe ABŞ-nyň özünden 2020-nji ýylda 31,6 million, 2021-nji ýylda 46,6 million CD albomlarynyň satylandygyny we girdejisiniň 483,2 million dollardan 584,2 million dollara çenli ýetendigini belledi.
CD satuwynyň soňky onýyllykda şeýle köp möçberde satylmagy käbir pudaklarda tolgunma döretdi.
Kerim BÄŞIMOW,
Türkmen döwlet ykdysadyýet we
dolandyryş institutynyň talyby.
Teswirler