Bulut saklawhanalary – internet ulanyjylary üçin hususy maglumatlaryny esasy maglumat göterijiler bolan kompýuter we smartfonlardan uzakda saklamak üçin döredilen onlaýn serwerdir. “TeraBox” – häzirki wagtda bulut saklawhanalarynyň iň ulusydyr.
“TeraBox” (öňki Dubox Cloud Storage) suratlary, wideo faýllary we resminamalary saklamak üçin mugt bulut saklawhanany üpjün edýär. Mugt hasaby 1 TB bulut saklamagy öz içine alýar.
“TeraBox” – bu Hytaýyň iň uly bulut saklawhana kompaniýasy “Baidu Cloud”-yň golçur kärhanasydyr. “TeraBox” hyzmatynyň gyzykly aýratynlygy, hyzmatyň web interfeýsinde faýllary uzakdan göçürip almakdyr. Uzakdan göçürip almagyň kömegi bilen adaty sahypasynyň üsti bilen hem-de magnit baglanyşygyny ulanyp bittorent sahypa arkaly faýllary uzakdan göçürip alyp bolýar.
Bulut saklawhanasyny nädip ulanmaly? Munuň üçin kompýutere ýa-da smartfona bulut saklawhanalaryna geçiriljek “TeraBox” programmasy ýüklenilýär. Soňra saklawhanada hasaba durmaly. Degişli işler geçirileninden soň saklawhana onlaýn enjamlaryň hemmesinden elýeterli bolýar.
Öwez REJEPOW,
Türkmen oba hojalyk institutynyň mugallymy.
Teswirler