ABŞ-yň alymlary tarapyndan geçirilen täze barlaglar netijesinde, ajy burç ýürek-damar we beýleki keselleriň öňüni alyp bilýändigi anyklanyldy. Barlaglaryň netijesinde, burçda ajy tagamy berýän kapsaisin atly himiki birleşmäniň anti-infamatar häsiýetiniň bardygy we gandaky şekeriň mukdaryny kadaly saklamaga ýardam edýändigi alymlar tarapyndan ýüze çykaryldy.
Şeýle hem mundan ozal, ABŞ-nyň Ogaýo ştatynda ýerleşýän Kliwlend Klinik lukmançylyk merkeziniň hünärmenleri tarapyndan Hytaý, Eýran, Italiýa we ABŞ ýaly ýurtlarda geçirilen barlaglary gaýtadan seljerdiler. Seljerme esasynda, ajy burç 570 müň adamyň saglygyna hem-de iýmitlenişi baradaky maglumatlara garanyňda saglyga peýdalydygy we adamyň agramyny kadaly saklap, aşa semremegiň öňüni almaga ýardam edýändigi ýüze çykaryldy. Mundan başga-da, Oksford uniwersitetiniň, Hytaýyň Lukmançylyk bilimler akademiýasynyň, şeýle hem Garwardyň halk saglygy mekdebiniň geçiren birnäçe barlaglarynda günde ýa-da günaşa ajy burçly nahar iýmegiň ýürek-damar we dem alyş ýollaryna degişli keselleriň öňüni alýandygy ýüze çykarylypdy. Barlaglar netijesinde, ajy burç iýmegiň diabet, ýürek keselleri hem-de ysmazlyk ýaly köp sanly nähoşluklaryň öňüni alýandygy anyklanyldy. Şol sanda, Italiýada geçen ýyl 22 müň adamyň üstünde geçirilen barlaglarda esasynda, günaşa ajy burç iýýänleriň saglygyny berkidýändigi subut edildi.
Nargül DURDYMYRADOWA,
Döwletmämmet Azady adyndaky
Türkmen milli dünýä dilleri institutynyň
Ýewropa dilleri we edebiýaty fakultetiniň
2-njy ýyl talyby
Teswirler