“Mindlab International” guramasynyň geçiren gözleglerine görä, “Weightless” diýen aýdym adamlaryň aladasyny we gaýgysyny diňläninden soň 65 göterim azalýar.
Gündelik durmuşdaky wakalar käwagt adamlarda gaty ýadawlyk alamatyny ýüze çykarýar. Käbir psihologiki we ykdysady kynçylyklar, şahsy durmuşdaky käbir ýagdaýlar, aladalar adamlary has-da ruhdan gaçyrýar. Bu bolsa durmuşyňy gaty ýokary derejede dowam etdirmek ukybyňa-da päsgel berip başlaýar.
“Mindlab International” guramasy bu barada täze gözleg geçirdi we netijede ylmy taýdan adamlaryň aladasyny we gaýgysyny diňläninden soň birnäçe esse azaldýan aýdymy tapmagy başardy. Ol aýdym bolsa “Weightless” diýlip atlandyrylýar. Aýdym – Markoni Uniona degişli bolup hakykatdan hem aladany we gaýgyny 65 göterim azaldar.
Gözleg ýörite meýletinçileriň gatnaşmagynda geçirildi. Olara diňlemek üçin birnäçe aýdymlar hödürlenildi we ýörite otaglarda, meýletinçilere datçikler dakylyp gözegçilik edildi. Şol sanda gatnaşyjylaryň beýni işjeňligi, ýürek urşy, gan basyşy we dem almak ýaly fiziologiki ýagdaýlary ölçeldi. Netijede, Markoni Unionyň “Weightless” atly aýdymy ylmy taýdan aladany we gaýgyny 65 göterim azaldýanlygynyň üsti açyldy.
Enar BABAÝEWA,
Türkmen döwlet ykdysadyýet we dolandyryş
institutynyň talyby.
Teswirler