Düýbi Angliýada ýerleşýän kosmos kompaniýasy “Space Entertainment Enterprise” (SEE) 2024-nji ýylyň ahyrynda Halkara kosmos stansiýasynda dünýädäki ilkinji film we güýmenje studiýasyny açmagy meýilleşdirýändigini mälim etdi.
“SEE” kompaniýasy, meýilnamanyň bir bölegi hökmünde kosmos stansiýasynda filmler, sport wakalary we sosial media hadysalary ýaly mazmun öndürijiler üçin surata düşürip boljak studiýalary gurjakdygyny aýtdy.
Ýerden takmynan 403 km beýiklikde orbitada guruljak studiýada sport çäreleri, teleýaýlym gepleşikleri, filmler we göni ýaýlymlaryň bolmagyna garaşylýar.
Kosmosda kinostudiýa döretmek maksadyna ýetmek üçin tabşyrylan bu maksatnama “SEE-1” diýlip atlandyrylar. Bu maksatnama üçin “SEE” kompaniýasyna Halkara kosmos stansiýasyndan ýörite ýer berler.
SEE kompaniýasyny esaslandyryjylar Dmitriý Ýelena Lesnewskiý bu mesele bilen baglanyşykly şeýle beýanat berdiler: “SEE-1 adamzadyň başga bir giňişlige geçmegi we kosmosda tolgundyryjy täze bölüm açmagy üçin ajaýyp mümkinçilikdir.”
Ogulbibi ÇARYÝEWA,
D.Azady adyndaky
TMDDI-niň talyby.
Teswirler