Türkmenistan geçen ýyl 50 tonnadan gowrak gaplanan balyk önümlerini daşary ýurtlara eksport etdi.
Türkmenistanyň Senagatçylar we telekeçiler birleşmesiniň balykçylyk bilen meşgullanýan agzalarynyň sany 60-a golaýlaýar. Balyk ýetişdirýän iri kärhanalaryň hatarynda Ahal welaýatyndan «Toý zaman» hojalyk jemgyýetini, Balkandan «Hazar balyk» AGPJ-ni, Daşoguzdan «Ak durna» hususy kärhanasyny, Lebapdan «Lebap balyk» hojalyk jemgyýetini, Marydan «Täze balyk» hususy kärhanasyny görkezmek bolar.
«Türkmenistanyň Döwlet balyk hojalygy komitetini üýtgedip guramak hakynda» 2018-nji ýylyň 12-nji oktýabrynda Türkmenistanyň Prezidentiniň Permana gol çekmegi bilen, komitetiň garamagyndaky kärhanalar hususylaşdyryldy. Olarda abatlaýyş, durkuny täzelemek we maddy-enjamlaýyn binýadyny döwrebaplaşdyrmak işleri geçirildi.
Ýurdyň welaýatlarynda we paýtagtymyzda ýöriteleşdirilen balyk dükanlary hem-de söwda nokatlary açyldy.
Belläp geçsek, balykçylyk pudagy 4 million manatlyk maýa goýumlary özleşdirildi. Türkmenistanyň Prezidentiniň Kararlaryna laýyklykda, balykçylyk hojalyklarynda 19 sany dikeldiş-abatlaýyş çäreleri göz öňünde tutulyp, olaryň 5-si boýunça desgalaryň gurluşyk-gurnama işleri tamamlandy, 14-sinde işler dowam edýär.
Öwezmyrat ORAZMYRADOW,
Türkmen döwlet binagärlik-gurluşyk
institutynyň talyby.
Teswirler