Dünýäniň öňdebaryjy tehnologiýa kompaniýalarynyň biri bolan “Apple” ABŞ-da “Omicron” ştammynyň köpelmegi sebäpli Nýu-Ýorkdaky 12 dükany içerki söwda üçin ýapdy.
Apple tarapyndan çap edilen resmi beýannamada “Biz şertlere yzygiderli gözegçilik edýäris we müşderileriň we işgärleriň abadançylygyny goldamak üçin saglyk çärelerimizi we söwda hyzmatlarymyzy düzederis” diýilip bellenip geçilýär.
Apple, içerki söwda wagtlaýyn togtadylan bolsa hem, sargytlary onlaýn görnüşde müşderilere hyzmat etmegi ýola goýmagy başardy. Şu aýyň başynda, “Covid-19” ýagdaýynyň ýokarlanmagy we dükan işgärleriniň arasynda töwekgelçiligiň ýokarlanmagyndan soň, “Apple” ABŞ-da we Kanadada 3 dükany wagtlaýyn ýapýandygyny mälim etdi.
Gülnabat SAPAROWA
Türkmen döwlet ykdysadyýet we dolandyryş
institutynyň “Dünýä ykdysadyýeti” hünäriniň talyby
Teswirler