Ýakyn wagtda uglerod zyňyndylaryny azaltmak üçin ýük gämilerini deňizde çekip biljek äpet batbörekler synagdan geçiriler. 500 inedördül metrlik batbörekleriň ilkinjisi, “Ville de Bordeaux” atly 154 metr uzynlykdaky gämä doly ulanylmazdan ozal 6 aýlap Atlantik ummanynyň üstünden söwda syýahatyna kömek eder.
“SeaWing” diýlip atlandyrylýan batbörekler, ýangyjyň ulanylyşyny we parnik gazlarynyň zyňyndylaryny 20 göterim azaldar diýen umyt bilen Fransiýanyň “Airseas” tehnologiýa kompaniýasy tarapyndan işlenip düzüldi.
“Parafoil” tehnologiýasyna esaslanan awtomatiki batbörekler “SeaWing” (ýel bilen çişýän aerodinamiki howa ýassygy) deňiz gämilerini we söwda gämilerini çekmek üçin ulanylar. 300 metr beýiklikde doly ululykda uçjak 1000 inedördül metr batbörek bilen kompaniýa daşky gurşawa zyňylýan ýylda 8 müň tonna CO2 azaltmagy maksat edinýär.
“Ville de Bordeaux” her aý Fransiýa bilen ABŞ-nyň arasynda uçar böleklerini daşaýarka, synag wagtynda gämi 500 inedördül metr batbörekden peýdalanar.
Bagtyýar ANNAKOW,
Ýagşygeldi Kakaýew adyndaky
Halkara nebit we gaz uniwersitetiniň
Energetika we inženerçilik desgalary
fakultetiniň talyby.
Teswirler