Ýakynda Türkmenistanyň hususy pudagynda tapawutlanan telekeçiler we raýatlary “«Türkmenistanyň Garaşsyzlygynyň 30 ýyllygyna» atly Türkmenistanyň ýubileý medaly bilen sylaglamak dabarasy bolup geçdi.
ÝURDUMYZYŇ ŞU RAÝATLARY ÝUBILEÝ MEDALY BILEN SYLAGLANDY:
- Türkmenistanyň Söwda we daşary ykdysady aragatnaşyklar ministrliginiň Söwda-kooperatiw mekdebiniň mugallymy Hojamuhammet Muhammedow,
- «Altyn nesil» hojalyk jemgyýetiniň alyp baryjy inženeri Kakajan Täşliýew,
- «Ýigit» hojalyk jemgyýetiniň esaslandyryjysy Eziz Agamuradowiç Dowranow,
- «Ak-gaýa» hojalyk jemgyýetiniň direktorynyň orunbasary Şamurat Hojamowiç Apowow,
- Balkan welaýatyndan telekeçi Myratdurdy Sapardurdyýewiç Näzliýew,
- «Uly ynam» daýhan hojalygynyň esaslandyryjysy Merdan Baýramdurdyýewiç Atdaýew,
- Türkmenistanyň Senagatçylar we telekeçiler birleşmesiniň Lebap welaýaty boýunça bölüminiň müdiri Şöwket Ýagmyrowiç Kerimberdiýew,
- Lebap welaýatyndan telekeçi Alym Gurbandurdyýewiç Joraýew,
- «Erkin gurluşyk» hususy kärhanasynyň esaslandyryjysy Toýly Erkinowiç Çaryýew,
- Mary welaýatyndan telekeçi Guwançmyrat Tirkişowiç Orazow.
“Ýigit” H.J häzirki wagtda oba hojalyk işewürliginiň gök ekerançylyk, bagçylyk we gülçülik ýaly ugurlarynda tapawutlanan kärhana hökmünde garalyp, onuň 2019-njy ýylda Ahal welaýatynyň Kaka etrabynda öwrebap ýyladyşhanasy açylyp, ulanylmaga berildi.
Umumy meýdany 20 gektara barabar bolan bu ýyladyşhanada esasan pomidoryň ýokary hasylly «Huanita», «Merlis» we «Tommimaro muço» sortlaryny ösdürip ýetişdirmek maksatly açylandyr.
Teswirler