20-nji dekabrda Aşgabat şäherinde ykdysady, ylmy-tehniki we medeni hyzmatdaşlyk boýunça hökümetara türkmen-gazak toparynyň nobatdaky 11-nji mejlisi geçirildi.
Mejlisiň öňüsyrasynda Türkmenistanyň Ministrler Kabinetiniň Başlygynyň orunbasary Serdar Berdimuhamedow bilen gazak hökümetara toparynyň başlygy, Gazagystan Respublikasynyň Premýer-ministriniň orunbasary Roman Sklýaryň duşuşygy geçirildi. Taraplaryň arasynda geçirilen söhbetdeşligiň dowamynda Türkmenistanyň hem-de Gazagystan Respublikasynyň syýasy, söwda-ykdysady we medeni-ynsanperwer ugurlarda giň gerimli we ileri tutulýan hyzmatdaşlyk meselelerini ara alyp maslahatlaşyldy. Mejlisiň dowamynda iki ýurduň özara hyzmatdaşlygynyň soňky ýyllarda täze we ýokary derejelere çykarlandygy hem-de mazmun taýdan baýlaşdyrylandygy aýratyn nygtaldy.
Duşuşygyň dowamynda iki ýurduň arasynda uly mümkinçilikleriň giňeldilmegine ähmiýet berlen, ýangyç-energetika, senagat, ulag-kommunikasiýa we nebit-gaz ulgamlaryndaky hökümetara hereketleriniň ileri tutulmagyna uly üns berildi.
Iki ýurduň birnäçe ministrlikleriniň we pudaklaýyn dolandyryş edaralarynyň ýolbaşçylarynyň hem-de wekilleriniň gatnaşmagynda geçirilen Ykdysady, ylmy-tehniki we medeni hyzmatdaşlyk boýunça hökümetara türkmen-gazak toparynyň mejlisiniň netijeleri boýunça jemleýji teswirnama gol çekildi.
.
Wepa ARNAMYRADOW,
Türkmenistanyñ Daşary işler ministrliginiñ
Halkara gatnaşyklary institutynyñ
Halkara gatnaşyklary fakultetiniñ I ýyl talyby.
Teswirler