Amerikaly telekeçi Elon Musk-yň “SpaceX” kompaniýasy “Falcon 9” raketasy bilen ýene 52 sany “Starlink” emeli hemrasyny kosmosa iberdi. SpaceX “Starlink” emeli hemra ulgamy bilen bütin dünýäde ýokary tizlikli internet bilen üpjün etmegi maksat edinýär.
2021-nji ýyldaky 28-nji uçuryşy Kaliforniýadaky Wandenberg kosmos güýçleri bekedinden amala aşyryldy. Eger-de emeli hemrany orbita ugradyş üstünlikli ýerine ýetirilse onda, orbitadaky “Starlink” hemralarynyň umumy sany 1944-e ýeter.
Starlink – emeli hemra bolup, ol internet elýeterliligini üpjün etmek üçin Amerikanyň “SpaceX” kompaniýasy tarapyndan gurlan emeli hemra toparydyr.
Baýrammuhammedow Kakamyrat
Türkmen döwlet binagärlik-gurluşyk
institutynyň 1-nji ýyl talyby
Teswirler