“Cloudflare” 2021-nji ýylyň iň meşhur web sahypalaryny yglan etdi. Paýlaşylan sanawa görä, geçen ýyl 7-nji orunda barýan “TikTok”, şu ýyl “Google”-dan öňe geçip, 1-nji orna çykdy. “Netflix”, “Amazon” we “WhatsApp” hem öz kategoriýalarynda ýeňiji boldular.
2021-nji ýyl bilen hoşlaşyp, senenamalarymyzda täze sahypa açmaga taýynlyk görýän günlerimizde, ünsi özüne çeken habarlar çap edilmegini dowam etdirýär. Internet dünýäsindäki iň soňky hasabat, bu gezek domen ady we serwer hyzmatlaryny berýän “Cloudflare” tarapyndan paýlaşyldy. “Cloudflare” şu ýyl iň köp girilýän web sahypalary bilen tanyşdyrdy.
Paýlaşylan sanawa görä, şu ýyl soňky ýyllarda iň ýokary orny eýelän “Google” ahyrsoňy öz ornuny “TikTok” platformasy boldy. Geçen ýyl iň köp girilýän domenleriň arasynda ýedinji orunda duran “TikTok.com” şu ýyl 1-nji orny eýeledi. “TikTok”-dan soň “Google” ikinji, “Facebook” bolsa üçünji ýeri eýeledi.
2021-nji ýylyň iň meşhur saýtlary:
- TikTok.com
- Google.com
- Facebook.com
- Microsoft.com
- Apple.com
- Amazon.com
- Netflix.com
- YouTube.com
- Twitter.com
- WhatsApp.com
Gülnaza MATÝAKUBOWA,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler