Häzirki wagtda dünýäde iň meşhur gözleg motory “Google” bolup durýar. Köp adamlar bu gözleg motorynyň ýerini başga bir gözleg motorynyň tutup bilmejekligini nygtaýarlar. Aslynda, “Google” birnäçe ýyl bäri durmuşymyza şeýle bir orun eýeledi welin, köpümiz internetde gyzyklanýan zadymyzy oňa ýazmak bilen tapýarys. Şeýle-de bolsa, müşderi gatnaşyklaryny dolandyrmak boýunça dünýäde öňdebaryjy platformalardan biri bolan “Salesforce”-iň öňki esasy alymy Deýwid Soker muny üýtgetmegi maksat edinýär. Ol özüniň döreden täze gözleg motory bolan “You.com” bilen “Google”-dan öňe geçmekçi bolýar.
“You.com” – Deýwid Soker we Braýan Makken tarapyndan esaslandyryldy. Gözleg motorynyň maksady bolsa dünýäde iň köp ulanyja elýeterli bolmak. Emma, bu häzirlikçe mümkin däl ýaly sebäbi “Google” häzirki wagtda gözleg bazarynyň takmynan 90% -ini eýeleýär.
Häzirki gözleg motorlarynyň esasy mahabat we SEO ýörelgeleri adamlaryň görýän, okaýan, öwrenýän, iýýän we satyn alýan zatlaryna gözegçilik etmek bolup durýar. Gözleg motorlary agzalan ýerlere kompaniýalar bilen şertnamalaýyn esasda ýörite mahabatlary ýerleşdirýärler.
“You” gözleg motorynda gözlegler ilki bilen ileri tutulýan çeşmeler, soňra bolsa bitarap çeşmeler we ahyrsoňy negatiw baha berlen çeşmeler tarapyndan emele gelýär. Şoňa laýyklykda, ýöriteleşdirilen gözlegler bilen obýektiw gözlegleri has aýdyň tapawutlandyrmak mümkin bolýar. Mundan başga-da, şahsy durmuşyň eldegrilmesizliginiň ähmiýeti täze gözleg motorynda göz öňünde tutulan. Şeýle-de gözleg motorynda maglumatlar hiç hili satylmaýar we gaty güýçli gizlinlik häsiýete eýe.
Ýusup HYDYROW,
Türkmen döwlet binagärlik-gurluşyk
institutynyň talyby.
Teswirler