23-nji noýabrda «Aşgabat» stadionynda Türkmenistanyň Superkubogy ugrunda paýtagtymyzdan iki topar «Altyn asyr» bilen «Köpetdag» duşuşar.
Türkmenistanyň Futbol federasiýasynyň habar bermegine görä, Superkubogyň düzgünine laýyklykda, oýnuň esasy wagty deň tamamlansa, hersi 15 minutdan ýene iki taým oýnalar. Onda-da ýeňiji belli bolmasa, FIFA-nyň düzgünlerine laýyklykda, 11 metrlik jerime urgylaryndan Superkubogyň eýesi kesgitlener.
Belläp geçsek, Türkmenistanyň Superkubogy 2005-nji ýylda Türkmenistanyň Futbol federasiýasy tarapyndan döredildi. Türkmenistanyň Superkubogy ugrundaky duşuşyk ýurduň çempiony bilen Kubogynyň eýelän toparyň arasynda geçirilýär. Häzire çenli «Altyn asyr» oňa alty gezek, «Balkan» bilen HTTU toparlarynyň hersi – üç gezek, «Aşgabat», «Merw» we «Ahal» toparlarynyň hersi – bir gezek mynasyp boldular.
2020-nji ýylda Türkmenistanyň Superkubogy ugrunda oýunda «Altyn asyr» 11 metrlik jerime urgularynda «Ahaldan» – 7:6 hasabynda üstün çykypdy.
Meýlis BABAÝEW,
Türkmen döwlet binagärlik-gurluşyk institutynyň talyby.
Teswirler