Ýurdumyzyň Balkan welaýatynyň Türkmenbaşy etrabynda “KAMAZ” kysymly ulaglary abatlamak, olara hyzmat etmek üçin okuw we hyzmat merkezi açyldy.
“KAMAZ FTC CORP. LLP” kompaniýasynyň buýurmasy boýunça “Wozroždeniýe” önümçilik birleşigi tarapyndan bina edilen bu desga bir günde 10 ulaga hyzmat edip bilýär. Bu merkeziň gurluşygy üçin 10 müň inedördül metr meýdan ýer bölünip berildi. Onuň üstünde esasy dolandyryş we kömekçi binalar we desgalar guruldy. Olaryň arasynda okuw we hyzmat merkeziniň iki gatly binasy hem bar.
Desganyň birinji gatynda ofis otaglary, hyzmat ediş, abatlaýyş bölümleri we awtoulag ýuwulýan ýerler bardyr. Ikinji gatda merkeziň hünärmenleri üçin ofisler, synp otaglary, naharhana, dynç almak üçin otaglar bar.
Selbi AŞYROWA,
Türkmenistanyň Telekommunikasiýalar we
informatika institutynyň talyby.
Teswirler