Türkmenistanyň Döwlet ätiýaçlandyryş guramasy ýurdumyzyň ýuridik şahslaryny we ýuridik şahslary döretmezden telekeçilik işi bilen meşgullanýan fiziki şahslaryny, şeýle hem Türkmenistanyň çäginde ýerleşýän we öz işini amala aşyrýan daşary ýurt ýuridik şahslaryny sergileri meýletin ätiýaçlandyryş görnüşinde ätiýaçlandyryş şertnamasyny baglaşmaga çagyrýar. Şertnama müşderileriň ýazan arzalary esasynda islendik möhlete baglaşylýar.
Ätiýaçlandyryş şertnamasy baglaşylanda, müşderiler öz isleglerine görä ýangyn, tebigy betbagtçylyklar, betbagtçylykly hadysalar, ogurlyk, sergi emläginiň üstüne dolandyrylýan uçarlaryň ýa-da olaryň döwlen bölekleriniň gaçmagy, ulag serişdeleriniň urmagy ýaly töwekgelçilikleriň görnüşlerini saýlap bilerler. Ätiýaçlandyryş pul möçberi şertnama baglaşylan pursadynda sergi emläginiň bazar ýa-da bilermenleriň berýän bahasyndan ugur alnyp, siziň bilen ylalaşylyp, hakyky bahadan ýokary bolmadyk möçberde bellenilýär. Ätiýaçlandyryş gatançlary ätiýaçlandyryş pul we nyrh möçberlerinden ugur alnyp kesgitlenýär hem-de nagt ýa-da nagt däl hasaplaşyk arkaly tölenilýär. Şonda size şertnama baglaşandygyňyzy tassyklaýan şahadatnama gowşurylar.
Ätiýaçlandyryş şertnamasyny baglaşmak üçin siz ýurdumyzyň ähli welaýat, etrap, şäher döwlet ätiýaçlandyryş guramalaryna ýüz tutup ýa-da ätiýaçlandyryş wekilini çagyryp bilersiňiz.
Türkmenistanyň Döwlet ätiýaçlandyryş guramalarynyň hyzmatyndan peýdalanyň!
Habarlaşmak üçin telefon belgileri: 48-48-60, 48-48-52.
Internet sahypamyz: www.insurance.gov.tm
Teswirler