“Türkmenistan Habar” saýty Türkmenistan baradaky ähli habarlary özünde jemleýän bir bitewi platforma bolup, oňa ýurdumyzda hereket edýän internet saýtlary täze hyzmatdaş hökmünde goşulýarlar.
Ýurdumyz baradaky habarlary has giň okyjylar köpçüligine ýetirmek maksady bilen, Türkmenistanyň Söwda we daşary ykdysady aragatnaşyklar ministrligi tarapyndan esaslandyrylan “Biznes reklama” gazetiniň www.br.com.tm saýty we Türkmenistanyň Daşary işler ministrliginiň Halkara gatnaşyklary institutynyň https://www.iirmfa.edu.tm/ saýtlary “Türkmenistan Habar” saýtynyň täze hyzmatdaşlary boldylar.
Mälim bolşy ýaly, “Biznes reklama” gazeti özüniň motiwasion häsiýetli maklalary bilen okujylarda uly gyzyklanma döredýär.
https://www.iirmfa.edu.tm/ saýty barada aýtsak, ýaňy-ýakynda geçirilen “Ýylyň iň gowy web saýty” bäsleşiginde 1-nji orna mynasyp bolup, talyp ýaşlaryň goşandy bilen dolandyrylýar.
Laçyn HOJAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň talyby
Teswirler