Halkara ynsanperwer ylymlary we ösüş uniwersitetiniň Jemgyýeti öwreniş ylymlary kafedrasy we Türkmenistanyň Bilim Ministrligi tarapyndan Aşgabadyň döredilen gününiň 140 ýyllygy mynasybetli Türkmenistanyň ýokary okuw mekdepleriniň talyp ýaşlarynyň arasynda “Iňlis dilinde çeper ýazuw” boýunça bäsleşik gurnaldy. Bäsleşik 23.04.2021-28.04.2021 seneleri arasynda internet platformasynyň üsti bilen word fayllary kabul etmek arkaly geçirildi.
Bäsleşigiň netijeleri ýokary okuwyň mugallymlaryndan düzülen emin agzalary tarapyndan düzgünnama laýyklykda 10-lyk bal sistemasy bilen aşakdaky talaplar esasynda bahalandyryldy:
- Bäsleşige ugradylan işleriň 500-den 700 söz aralygynda bolmaly.
- Işler paýtagtymyzyň ajaýyp binagärlik keşbini we taryhy mirasyny özünde jemleýän çeper ýazuwyň bolmagy.
- Işiň tema bilen baglanşygy we okyja ýetirýän täsiri.
- Bäsleşige ugradylýan işleriň iňlis diliniň grammatikasyna laýyklygy.
- Işiň plagiýat bolmazlygy.
Bäsleşige gelip gowuşan 150 işleriň ählisi emin agzalaryň gutarnykly netijeleri bilen aşakdaky ady görkezilen talyplar ýeňiji diylip yglan edildi we şu gün Halkara ynsanperwer ylymlary we ösüş uniwersitetinde hormat hatlary gowşuryldy:
I orun
- Altyn Orazberdiýewa– Halkara ynsanperwer ylymlary we ösüş uniwersitetiniň Halkara hukugy we halkara gatnaşyklary fakultetiniň Hususy hukugy hünäriniň 2-nji ýyl tallyby
- Oguljemal Amansähedowa – Seýitnazar Seýdi adyndaky Türkmen döwlet mugallymçylyk institutynyň Iňlis dili we edebiýaty hünäriniň 2-nji ýyl talyby
- Baýnazar Nepesow – Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary hünäriniň 1-nji ýyl talyby
II ORUN
- Sülgün Aşyrowa- Halkara ynsanperwer ylymlary we ösüş uniwersitetiniň Žurnalistika hünäriniň 2-nji ýyl talyby
- Aýnagözel Öwelýaýewa-Magtymguly adyndaky Türkmen döwlet uniwersitetiniň Iňlis dili we edebiýaty hünäriniň 4-nji ýyl talyby
- Aýperi Garaýewa – Maýa Kulyýewa adyndaky Türkmen milli konserwatoriýasynyň Orkestr saz gurallary fakultetiniň üflenip we kakylyp çalynýan saz gurallary böluminiň 3-nji ýyl talyby
- Şerapat Beşimowa – Seýitnazar Seýdi adyndaky Türkmen döwlet mugallymçylyk institutynyň Iňlis dili we edebiýaty hünäriniň 4-nji ýyl talyby
- Aýnur Mahmydowa – Türkmen döwlet Ykdysadyýet we Dolandyryş institutynyň Bank işi we pul dolanyşygy hünäriniň 1-nji ýyl talyby
III ORUN
- Arzygül Baýryýewa – S.A.Nyýazow adyndaky Türkmen döwlet oba hojalyk uniwersitetiniň Tekstil önümçiligi hünäriniň 1-nji ýyl talyby
- Maral Kakabaýewa – Türkmen döwlet maliýe institutynyň Buhgalterçilik hasaba alnyşy we audit hünäriniň 3-nji ýyl talyby
- Aýnabat Mätjänowa – Türkmen döwlet maliýe institutynyň Maliýe menejmenti hünäriniň 2-nji ýyl talyby
- Annabibi Baýmuhammedowa – Türkmen döwlet medeniýet institutynyň Kitaphanaçylyk fakultetiniň Kitaphana işini guramak hünäriniň 2-nji ýyl talyby
- Şageldi Çopanow – Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary hünäriniň 4-nji ýyl talyby
- Orazbibi Giçkiýewa – Türkmenistanyň Inžener-tehniki we ulag telekommunikasiýalary institutynyň Tehnosfera howpsyzlygy hünäriniň 1-nji ýyl talyby
- Agahan Akmyradow – Türkmenistanyň Telekommunikasiýalar we Informatika institutynyň Elektron howpsyzlyk ulgamlary hünäriniň 2-nji ýyl talyby
- Jennet Begenjowa – Türkmenistanyň Inžener-tehniki we ulag telekommunikasiýalary institutynyň Demir ýol ulagynda gatnawy guramak we dolandyrmak hünäriniň 1-nji ýyl talyby
ŞAPERI GURBANBERDIÝEWA
Halkara ynsanperwer ylymlary we ösüş uniwersitetiniň Žurnalistika hünäriniň 2-nji ýyl talyby
Teswirler