InAshgabat web saýty ýaşlygyna garamazdan diňe bir habarlar bilen çäklenmän, eýsem interwýular, dünýä habarlary, ýerli telekeçileriň üstünligi we ýene-de birnäçi täsirli temalar boýunça okyjylar köpçüligine özüni tanatmagy başardy.
Saýtymyzyň e-poçtasyna gelýän habarlaryň, dünýä täzelikleriniň, gyzykly maglumatlaryň sany sagatsaýyn artýar diýsek ýerine düşer. Bize gelýän hatlaryň köpelmeginde ýerli ýokary okuw mekdepleriniň agzybir mugallymlarynyň hem-de talyplarynyň önjeýli goşantlaryny bellemek zerurdyr.
Hususan-da Türkmenistanyň DIM-niň Halkara gatnaşyklary institunynyň talyplary özleriniň žurnalistika bolan höwesini açyp görkezýärler. Talyplar biz bilen yzygider aragatnaşyk saklaýarlar. Institutyň Halkara žurnalistikasy fakultetiniň bu işlerde aýratyn goşandy bar.
Höwesjeň talyplar diňe bir dünýä habarlaryny ýazmak bilen çäklenmän, eýsem interwýu almakda, maglumat ýygnamakda öz ukyp-başarnyklaryny görkezýärler. Biz hem saýtymyzyň meşhurlygynyň, okyjylara täsirli bolmagyny, gyzgyny bilen habarlary ýerleşdirmekde goşýan goşantlary üçin Türkmenistanyň Daşary işler ministrliginiň Halkara gatnaşyklar institutynyň talyplaryna öz Minnetdarlygymyzy bildirýäris!
Geljekde ýurdumyzyň halkara derejeli abraýynyň belent sepgitlere ýetmeginde özleriniň mynasyp goşandyny goşmak isleýän ýaş nesillere biziň saýtymyz bilen yzygider aragatnaşyk saklamaklaryny haýyş edýäris!
Biz Sizden geljek makalalara sabyrsyzlyk bilen garaşyarýarys!
Biziň elektron poçtamyz:
ashgabat.in@gmail.com
InAshgabat redaksiýasy
Teswirler