Türkmeniň toýy goşa-goşadan gelýär. «Türkmenistan – parahatçylygyň we ynanyşmagyň Watany» ýylynda Aşgabadyň 140 ýyllygynyň we Watanymyzyň mukaddes Garaşsyzlygynyň şanly 30 ýyllyk toýunyň bellenilmegi halkymyzyň buýsanjyny-da goşalandyrýar. Ýylymyzyň möhüm senelerine öwrülen bu wakalar halkymyzyň, Watanymyzyň şöhratyny has-da dabaralandyrar.
Paýtagtymyzyň ýubileý ýylynda milli Liderimiziň gatnaşmagynda açylan Türkmenistanyň Maslahatlar merkeziniň binasynda «Garaşsyz, baky Bitarap Türkmenistanyň parahatçylygyň we ynanyşmagyň hatyrasyna halkara hyzmatdaşlygy» atly halkara maslahatynyň geçirilmegi hem-de şol halkara maslahatyndan soň birnäçe halkara resminamalaryna — Türkmenistanyň Hökümeti bilen Birleşen Milletler Guramasynyň Bilim, ylym we medeniýet meseleleri boýunça guramasynyň arasynda 2021 — 2023-nji ýyllar üçin hyzmatdaşlyk baradaky Ähtnama, Türkmenistanyň Hökümeti bilen Halkara Energetika Agentliginiň arasynda energetika pudagynda hyzmatdaşlyk etmek barada özara düşünişmek hakyndaky Ähtnama, iýmit çygrynda mümkinçilikleri we hyzmatdaşlygy ösdürmek boýunça sebitleýin platformany ýerleşdirmek we işletmek arkaly Merkezi Aziýa we Kawkaz sebitlerinde eneleriň we çagalaryň iýmitlenmegini gowulandyrmaga ýardam etmek barada Türkmenistanyň Saglygy goraýyş we derman senagaty ministrligi bilen Birleşen Milletler Guramasynyň Çagalar gaznasynyň arasynda özara düşünişmek hakyndaky Ähtnama gol çekilmekligi ýurdumyzyň merjen paýtagtynyň hakykatdan-da parahatçylygyň we ynanyşmagyň merkezidigini görkezýär. Çünki, taryhy nukdaýnazardan seredeniňde, diňe parahatçylygyň höküm sürüp, ynanyşmagyň berkarar bolan ýurdunda hoşniýetli halkara hyzmatdaşlygyna giň mümkinçilikler döredilýär. Ýer ýüzünde şeýle mümkinçilikler döredilen ýurtlaryň iň naýbaşysy bolsa, BMG-niň goldawy bilen milli Bitaraplyk derejesine hemişelik eýe bolan ata Watanymyz Türkmenistandyr, Biziň ýurdumyzyň gözel paýtagtynda giň gerim bilen yzygiderli durmuşa geçirilýän halkara ähmiýetli global çäreler, hakykatdan-da ak şäherimiz Aşgabadyň parahatçylygyň we ynanyşmagyň merkezidigini, döwletimiziň bolsa parahatçylygyň we ynanyşmagyň Watanydygyny tutuş ýer ýüzüne ykrar edýär.
Gaýgysyz KERIMOW,
Türkmenistanyň Daşary işler ministrliginiň
Halkara gatnaşyklary institutynyň talyby.
Teswirler