Google we Facebook kompaniýalary, okeanyň düýbünden kabelleri geçirmek arkaly internetiň tizligini ýokarlandyrmak isleýärler
“Google” we “Facebook” tarapyndan bilelikde başlanan iki täze taslama laýyklykda, ABŞ bilen Günorta-Gündogar Aziýanyň arasynda täze internet kabelleri çekiler. “Echo” we “Bifrost” diýlip atlandyrylýan bu taslamalaryň çäginde bu sebitlerdäki internet tizliginiň öňküsinden has-da we ýokary bolmagyna garaşylýar.
Internete bolan isleg günsaýyn artýar, bu bolsa pudagyň ägirtlerini täze gözlegler geçirmäge mejbur edýär. Şu nukdaýnazardan bilelikde hyzmatdaşlyk edýän “Facebook” we “Google” kompaniýalary käbir sebitlerde internet hyzmatyny gowulandyrmak üçin bilelikde işleri alyp barýarlar. Iki kompaniýanyň beren beýanatyna görä ABŞ bilen Günorta-Gündogar Aziýanyň arasynda iki sany internet kabeli çekileri. Okeanyň düýbünden geçjek bu kabeller arkaly hem internet tizligini ýokarlanmagyna, hem-de internetiň has ygtybarly bolmagyna garaşylýar.
“Facebook”-yň beýanatlaryna görä, ummanyň düýbünden çekilmeli kabeller Demirgazyk Amerikany Singapur we Indoneziýa bilen birleşdirer. Bu kabelleriň internet kuwwatyny artdyrjakdygyny mälim eden işgärler, taslamalar üçin kanuny tassyklamanyň zerurdygyny hem bellediler. Bu taslama tamamlanandan soň bu sebitlerdäki internet kuwwatynyň 70 göterim ýokarlanmagyna garaşylýar.
Kuwat HEMDEMOW,
S.A.Nyýazow adyndaky
TOHU-nyň talyby.
Teswirler