2021-nji ýylyň “Türkmenistan – parahatçylygyň we ynanyşmagyň Watany” diýip atlandyrylmagy we Türkmenistanyň Garaşsyzlygynyň şanly 30 ýyllygy mynasybetli Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary kafedrasynyň “Paýhas we parasat” ylmy gurnagy tarapyndan talyp ýaşlaryň gatnaşmagynda prezentasiýa bäsleşigi geçirildi.
Institutyň professor mugallymlarynyň ýolbaşçylygynda talyp ýaşlar özleriniň taýýarlan gyzykly prezentasiýalary bilen çykyş edip, 2021-nji ýylyň dünýäde “Halkara parahatçylyk we ynanyşmak ýyly” diýip atlandyrylmagynyň döwletimiziň halkara derejesinde öňe sürýän başlangyçlarynyň gyzgyn goldawa mynasyp bolýandygynyň aýdyň subutnamasy hökmünde belläp geçdiler. Geljegi nazarlaýan oňyn başlangyçlary öňe sürýän Türkmenistan döwletimiziň şanly Garaşsyzlygynyň 30 ýyllyk taryhy hem-de şu günki ýeten beýik sepgitlerimiz hakynda takyk we gyzykly maglumatlar bilen çykyş etdiler. Bäsleşigiň ahyrynda işjeň gatnaşan hem-de ýeňiji bolan talyplar institutyň hormat hatlary we ýadygärlik sowgatlary bilen sylaglandylar.
Ýurdumyzda geçirilýän şeýle çäreler türkmen ýaşlaryny ýokary bilimli, aň-düşünjeli, ösen dünýägaraýyşly, ýokary hukuk medeniýetli edip terbiýeläp ýetişdirmekde, olarda watansöýüjilik duýgularyny kemala getirmekde egsilmez genji-hazyna bolar. Bu gün özleri üçin döredilip berilýän şeýle uly mümkinçiliklerden ruhlanýan türkmen ýaşlary ähli atalyk aladalary üçin hormatly Prezidentimize alkyş sözlerini we ýürek buýsançlaryny beýan etdiler.
Hatyja Döwletnazarowa
Türkmenistanyň Daşary işler ministrliginiň
Halkara gatnaşyklary institutynyň talyby
“Paýhas we parasat” ylmy gurnagynyň agzasy
Teswirler