Türkmenistanyň Prezidentiniň ýakynda şu ýylyň pagta hasyly baradaky Karara gol çekmegi bilen, etrap tehniki hyzmat ediş kärhanalarynda işleriň depgini has-da güýçlendirildi. Welaýatyň beýleki etraplarynda bolşy ýaly, Döwletli etrap tehniki hyzmat ediş kärhanasynda hem ekiji tehnikalaryňdyr enjamlaryň abatlygy doly gözden geçirildi.
Etrapdaky merkezi ussahanada we Dostlukdaky, Daşrabatdaky bölümlerde tehnikalardyr enjamlar täze möwsüme doly taýýar edildi. Şu ýyl gowaça ekişinde etrap tehniki hyzmat ediş kärhanasyna degişli tehnikalaryň onlarçasy işlediler. Olaryň ählisi soňky ýyllarda satyn alnan tehnikalardyr. Geçen ýyl ýurdumyzda gowaçanyň has döwrebap tehnikalar bilen telematik ulgam arkaly ekilmegi hasyllylygyň hem ýokarlanmagyna täsirini ýetirdi. Ekijileri täze möwsüme taýýarlamak işlerine kärhananyň ussalarynyň 20-den gowragy gatnaşdy. Gerekli ätiýaçlyk şaýlary bolsa Türkmenabatdaky we Kerkidäki üpjünçilik bölümlerinden getirildi. Bahar paslynyň gelmegi bilen etrapda gowaça ekişine guramaçylykly girişiler. Şu ýyl döwletlili daýhanlar özleriniň zähmet ýeňşini Garaşsyzlyk baýramyna sowgat etmegi meýilleşdirýärler.
Marýam Şamuradowa,
Türkmenabat agrosenagat orta hünär okuw mekdebiniň talyby.
Teswirler