18-nji ýanwarda Türkmenistanyň Saglygy goraýyş we derman senagaty ministrligi Russiýanyň göni maýa goýumlary gaznasynyň goldaw bermeginde Gamalei adyndaky ylmy-barlag merkeziniň alymlary tarapyndan döredilen “Sputnik V” sanjymyny bellige aldy hem-de degişli şahadatnamany berdi. Bu barada TDH habar berýär.
Şeýlelikde, Türkmenistan Merkezi Aziýada bu sanjymy öz çäginde ulanmagy resmi taýdan makullan ilkinji döwlet boldy hem-de ony hasaba alan döwletleriň birinji onlugyna girdi. Bu ýagdaý ýokanç kesellere garşy göreşmekde hem-de köptaraplaýyn ylmy-lukmançylyk gatnaşyklaryny berkitmekde nobatdaky ädim boldy.
Milli Liderimiz şol gatnaşyklaryň ösdürilmegine uly üns bermek bilen, bu ulgamda halkara başlangyçlary öňe sürüp, Birleşen Milletler Guramasynyň ýöriteleşdirilen düzümleri, şol sanda Bütindünýä saglygy goraýyş guramasy bilen işjeň hyzmatdaşlygy saklaýar.
Geçen ýylyň iýulynda Türkmenistanda koronawirusyň pandemiýasyna garşy göreşmek boýunça dessin durmuş-ykdysady çäreleriň meýilnamasy tassyklanyldy. Türkmenistan täze howpa garşy göreşmekde beýleki döwletleriň tejribesine uly hormat bilen garaýar hem-de pandemiýanyň ýaramaz täsirlerinden üstün çykmakda toplan tejribesini paýlaşýar. Şeýle hem Türkmenistan beýleki ýurtlar we halkara guramalar bilen bilelikdäki tagallalaryň netijeliligini gazanmak maksady bilen üstünlikli taýýarlan işlerini paýlaşmaga taýýardyr.
Ýurdumyzyň çäginde tutuş adamzatda biynjalyk döredýän ýokanç keselleriň ýaýramagynyň öňüni almak üçin saglygy goraýyş edaralary tarapyndan Bütindünýä saglygy goraýyş guramasynyň maslahatlaryna laýyklykda, toplumlaýyn işleriň geçirilýändigini bellemek gerek.Keselleriň öňüni almak — hormatly Prezidentimiz Gurbanguly Berdimuhamedowyň ýolbaşçylygynda işlenilip taýýarlanylan “Saglyk” Döwlet maksatnamasynyň esasy ugrudyr. Häzir bu wezipe saglygy goraýyş edaralaryny gurmak, derman senagatyny, şypahana ulgamyny ösdürmek, pudak üçin hünärmenleri taýýarlamak arkaly netijeli çözülýär.
Ata-babalarymyz dürli kesellerde — ilkinji nobatda, üsgülewükde, ýokarky dem alyş ýollarynyň sökelliklerinde buýan köküni ulanypdyrlar. Häzir alymlar bu ösümligiň işjeň maddasynyň, pandemiýasy bilen bütin dünýä göreşýän täze koronawirus ýokanjynyň ýaýramagyna garşylyk görkezip bilýändigini tassyklaýarlar. Özi-de buýan köküniň suwuk görnüşiniň az bölegi hem öňüni alyş täsirini ýetirýär.Şeýle hem üzärlik ösümliginiň ýokançsyzlandyryjy häsiýetli tüssesini türkmenler asyrlaryň dowamynda ýokanç we bakterial keselleriň öňüni almak üçin ulanypdyrlar.
Hormatly Prezidentimiziň alyp barýan “Açyk gapylar” syýasaty netijesinde daşary döwletler bilen dost-doganlyk gatnaşyklary barha berkeýär. Saglygy goraýyş ugry boýunça hyzmatdaşlyk ABŞ, Russiýa, Germaniýa, Awstriýa, Ýaponiýa, Koreýa Respublikasy, Belarus, Türkiýe ýaly ýurtlar bilen yzygiderli ösdürilýär.Halkyň saglygy we abadançylygy baradaky alada milli Liderimiz Gurbanguly Berdimuhamedowyň syýasatynyň ileri tutulýan ugry bolup durýar.
Bu alada bilen keselleriň öňüni almak boýunça wezipeleri çözmäge, ilaty ählumumy immunlaşdyrma taslamalaryna, köpçülikleýin bedenterbiýe-sport hereketini ösdürmäge hem-de sagdyn-durmuş ýörelgesini wagyz etmäge diňe jogapkärli we hemmetaraplaýyn çemeleşme bilen şertlendirilendir.
Şeýle-de okaň:
Koronawirus gyzgyn liniýasy hyzmatda
Bejergiden boýun gaçyranlar tussag edilip bilner
Ýokanç kesellerden nädip goranmaly?
Waksinalar bilen öňüni alyş çäresi geçirilip başlandy
Ýeňil uçarlar bilen dizinfeksiýa geçirildi
Türkmenistanda ýokanç keselleriň öňüni almak işleri aýratyn üns merkezinde
Türkmenistana howply wiruslaryň gelmezligi üçin zerur we ýeterlik möçberlerde işler alnyp barylýar
MEKDEP OKUWÇYLARY LUKMANÇYLYK BARLAGYNDAN GEÇÝÄRLER
Türkmenistanyň Saglygy goraýyş we derman senagaty ministrligi raýatlara arassaçylyk çäreleri görmäge çagyrýar
Saglyk bagtyň açary
SAGLYGYM – BAÝLYGYM
Türkmenistanyň Saglygy goraýyş ministrligi agyz-burun örtügi dakynmagy maslahat berip SMS iberdi
Türkmenistanyň Prezidenti saglygy goraýyş işgärlerini hünär baýramçylygy bilen gutlady
Bugün saglygy goraýyş we derman senagaty ulgamynyň işgärleriniň hünär baýramy
Ygtybarly immuno-öňüni alyş çäreleri ilatyň saglygyny goramagyň kepilidir
Teswirler