Hemilton Şumaheriň ýeňiş gazanmak boýunça rekordyny täzeledi. Indi Lýuis — «Formula – 1-iň» taryhynda iň köp Gran-priniň eýesi.
Senna bilen Prostuň bilelikde gazanan üstünlikleri hem şonçadyr.
Lýuis Hemiltonyň şahsyýeti näçe jedel döretse-de, bir zat aýan: indi ol — «Formula – 1-iň» taryhynda iň üstünlikli sürüji. Ol Portugaliýanyň Gran-prisinde sport ýolundaky 92-nji ýeňşini gazanyp, Mihael Şumaheri ozdurdy (ol 91 ýeňişde saklandy).
Mundan başga-da, Lýuis Hemiltonyň indi ýeňişleriniň sany Aýrton Senna bilen Alen Prostyň bilelikde gazanan üstünliklerine deň boldy! Öňde oňa indi islegli ýüzlük garaşýar. Elbetde bu oňa 2020-nji ýylda-ha başartmaz.
Saýlama tapgyr tamamlanýança Şumagerden iň üstünlikli sürüji diýen derejäni almak üçin Lýuis Hemiltona ýönekeýje zat galdy. Munuň üçin ýedinji çempionlygy gazanmak ýeterlik. Ol häzir umumy hasapda Walter Bottosdan 77 ball öňde barýar. Möwsümiň ahyryna çenli bolsa 5 ýaryş galdy. Diýmek, Lýuis Hemilton üç gezek ulagyny ýoldan çykaranda, finlýandiýaly sürüji bolsa şonça ýeňiş gazananda hem Hemilton barybir öňdäki orunda galar.
Hydyr Çüriýew,
S.A.Nyýazow adyndaky TOHU-nyň talyby.
Teswirler