“Facebook”-yň baş direktory Mark Zukerberg tarapyndan berlen maglumata görä, “WhatsApp” günde 100 milliard habar iberilýär. Programmany ulanyjylaryň sany 2 milliarddan geçdi.
“WhatsApp” tutuş 10 ýyllyk taryhynda iň meşhur habarlaşma programmalarynyň birine öwrülmegi başardy. Häzirki wagtda 2 milliarddan gowrak ulanyjysy bolan “WhatsApp” birnäçe ýyl bäri “dünýäniň iň meşhur gyssagly habarlaşma programmasy” adyny saklamagyny dowam etdirýär.
Düýn agşam geçirilen “Facebook”-yň çärýekleýin maliýe ýagdaýy ýygnagynda eden çykyşynda “Facebook”-yň baş direktory Mark Zukerberg WhatsApp-da her gün 100 milliard töweregi habar iberilýändigini, hatda ulanyjy sany we işjeň ulanylyşy boýunça bäsdeşlerine-de ýakyn däldigini habar berdi.
Aslynda, WhatsApp-yň Facebook Messenger, iMessage, WeChat ýaly güýçli bäsdeşleri bar. Hytaýda ýerleşýän “WeChat” ulanyjylarynyň sany 1 milliarddan geçdi. Muňa garamazdan, WeChat gündelik habarlaşma göwrüminde WhatsApp-dan yza galýar.
Şol wagtda WhatsApp-yň baş direktory Koum 2014-nji ýylda beren beýanatynda WhatsApp-da her gün takmynan 50 milliard habar iberilýändigini aýtdy. “WhatsApp”-yň şol döwürde 500 milliondan az ulanyjysynyň we häzirki wagtda 2 milliarddan gowrak ulanyjysynyň bardygyny göz öňünde tutsak, “WhatsApp”-yň ulanylyşynyň sany bilen deňeşdirilende ortaça ulanylyşynyň azalandygyny aýdyp bileris. Elbetde, bu pese gaçmak WhatsApp-yň dünýäde iň meşhur gyssagly habarlaşma programmasydygyny üýtgetmeýär.
Bägül TAGANOWA,
S.A.Nyýazow adyndaky Türkmen
oba hojalyk uniwersitetiniň talyby.
Teswirler