“Apple”-iň baş direktory Tim Kuk kompaniýanyň 2020-nji ýyldaky işi barada beýanat berdi. Öňümizdäki döwürde täze önümleri yglan etjekdiklerini mälim eden Kuk, bu önümleriň tolgundyryjydygyny aýtdy. Şeýle-de bolsa, Kuk gysga wagtyň içinde haýsy önümleri yglan etjekdiklerini aýtmady.
“Apple”-iň baş direktory Tim Kuk “Apple” önümlerini ýakyndan yzarlaýan alyjylary tolgundyrjak bir beýanat berdi. Kuk ýakyn wagtda “Apple” -iň 2020-nji ýylda yglan edeninden has köp zady yglan etjekdigini aýtdy. Tim Kukyň aýdanlary, “Apple”-iň täze çäreleri gurnamaga taýýardygyny görkezýär.
Kuk bu mesele bilen baglanyşykly beýanatlarynda haýsy önümleriň yglan ediljekdigini aýtmady. Şeýle-de bolsa, yglan edilmeli zatlaryň tolgundyryjydygyny aýdýan “Apple” -iň baş direktorynyň ozal beýle beýanat bermändigi bellärliklidir. Kompaniýanyň üstünde işleýän käbir zatlary eýýäm belli.
“Apple” birnäçe wagt bäri täze noutbugyň üstünde işleýär. Bu noutbuk kompaniýanyň şu wagta çenli çykaran “MacBooks” -dan düýpgöter tapawutlanýar. Sebäbi bu kompaniýa ilkinji gezek öz önümçiligi bolan “Apple Silicon” prosessorly noutbuk bolar. Kukyň aýdan sözleri bu noutbugy göni ýada salýar. Ýüze çykan käbir maglumatlar bu noutbukyň ýakynlaşýandygyny ýüze çykardy.
Kompaniýa birnäçe wagt bäri AirTags atly önümiň üstünde işleýär. Bu önümiň esasy logikasy, açar ýa-da sagat ýaly önümleriň ýitmeginiň öňüni almakdyr. Alnan maglumatlara görä, “AirTags” ugur maglumatlary bermek arkaly ýitirilen ýa-da işleýän enjamyň ýerleşýän ýerini görkezer. “Apple” bu önümi 2020-nji ýylda yglan eder.
Merdandurdy GYLYJOW,
S.A.Nyýazow adyndaky Türkmen
oba hojalyk uniwersitetiniň talyby.
Teswirler