Google “YouTube Music”-e täze aýratynlyk goşdy. Bu aýratynlyk, YouTube-da halaýan wideolaryňyzyň YouTube aýdym-sazynda peýda bolmagynyň öňüni alýar. “YouTube Music”-iň artykmaçlyklary we käbir kemçilikleri bardygyny aýtmak bolar.
Iň güýçli onlaýn aýdym-saz platformalarynyň biri bolan “YouTube Music” şu güne çenli “YouTube” bilen bilelikde işleýär. Şeýle-de bolsa, ösüş topary bu ýagdaýy üýtgetmek üçin täze ädim ätdi. “YouTube Music” -e goşulan täze sazlamalar bölümi, umuman, “YouTube” bilen “YouTube Music” -iň arasyndaky baglanyşygy kesmäge mümkinçilik berýär.
“YouTube Premium” müşderisi hökmünde ulanyp boljak “YouTube Music” hyzmatyna birikseňiz, adaty “YouTube” hasabyňyzda halaýan aýdym-saz we mazmun awtomatiki usulda peýda bolar. Şeýle-de bolsa, sazlamalar menýusyna goşulan “YouTube-dan halaýan aýdym-sazymy görkez” atly täze wariant, muny üýtgetmäge mümkinçilik berýär. Bu sazlamany öçürseňiz, YouTube aýdym-saz profiliňizde ozal halaýan YouTube wideolaryňyzy görmersiňiz.
“YouTube Music”-iň täze aýratynlygyny ulanmak üçin, hyzmatlara iş stoly wersiýasy ýa-da ykjam programma arkaly girmeli. Ekranyň ýokarky sag tarapyndaky profil suratyňyza basyň we “sazlamalar” bölümine giriň, YouTube Music-iň täze aýratynlygyny gönüden-göni görüp bilersiňiz. Şeýle-de bolsa, bu aýratynlygyň kyn taraplary hem bar.
“YouTube Music”-iň täze aýratynlygy, “YouTube”-da halaýan mazmunyňyzdaky wideolary görkezmeýär. Şeýle-de bolsa, YouTube-da halaýan beýleki aýdym-sazlaryňyz hem bu sazlamadan soň ýitýär. Şol sebäpli aýratynlygy başdan geçirmezden ozal ünsli pikirlenmeli. “Google” inženerleri “YouTube”-daky aýdym-sazlaryň mazmunyny has gowy tapawutlandyryp, ulanyjylara bu aýratynlygy has-da ösdürip hödürlemegi göz öňünde tutýar.
Arslan AMANDURDYÝEW,
S.A.Nyýazow adyndaky Türkmen
oba hojalyk uniwersitetiniň talyby.
Teswirler