Strategiýa Analitikasynyň maglumatlaryna görä, Samsung Galaxy S20 + ýylyň birinji ýarymynda iň girdeýjili 5G telefony bolmagy başardy. “Galaxy S20 Ultra” we “Galaxy S20” ikinji we üçünji orny eýeledi.
5G tehnologiýasy dünýäniň köp böleginde ulanylmaga başlamasa-da, her pudakda diýen ýaly dürli ýeňillikleri üpjün etmek üçin degişi işler alnyp barylýar. Çykýan enjamlaryň hemmesine diýen ýaly ornaşdyrylýar.
Tehnologiýa ägirtleri, esasanam soňky iki ýylda 5G tehnologiýasyna uly ähmiýet berdiler. Onuň sebäbi bolsa täze nesil tehnologiýalryň diňe 5G talap edýänligidir.
Strategiýa Analitikasy, öndürijisi üçin 2020-nji ýylyň ilkinji alty aýynda iň köp girdeji getirýän 5G smartfonyny yglan etdi. Diňe “Samsung Galaxy S20 + 5G” ýylyň birinji ýarymynda 5G smartfon girdejileriniň 9 göterimini, galanlary “Galaxy S20 Ultra 5G” 8 göterim bilen ikinji, “Galaxy S20 5G” 5 göterim bilen üçünji orny eýeledi.
Esasanam dünýäniň iň uly smartfon bazary bolan Hytaýda Huawei iň meşhur smartfon markasy bolup, P40 Pro 5G we Mate 30 5G bilen ýylyň birinji ýarymynda iň köp girdeji gazanan 5G smartfon sanawynda dördünji we bäşinji orny eýedi.
Maglumatlara görä, ýylyň birinji ýarymynda COVID-19 pandemiýasyna garamazdan 5G smartfon bazarynyň göwrümi 34 milliard dollara ýetdi. “Samsung” we “Huawei” 5G bazaryndaky ilkinji alty aýyň içinde iň köp girdeji gazanan kompaniýalar hökmünde tapawutlanýar, ýöne sanawda ýylyň ikinji ýarymynda yglan ediljek täze markanyň boljakdygy mälim edildi. Ol “Apple” kompaniýasy bolup durýar.
“Apple” soňky hepdelerde “iPhone 12” täze nesil akylly telefonuny hödürledi we ähli modelleriniň arasynda 5G goldawy bilen elýeter boldy. “Apple”-iň sanawynda birinji orunda “iPhone 12” maşgalasy bilen onlarça million 5G smartfon satjakdygy çak edilýär. Sanawda satylan 5G smartfonlarynyň sanyna däl-de, girdejä gönükdirilendigi sebäpli, sanawda orta segmentli Samsung ýa-da Huawei 5G smartfonlarynyň bolmagy mümkin däl.
Şageldi ÇARYÝEW,
S.A.Nyýazow adyndaky Türkmen
oba hojalyk uniwersitetiniň talyby.
Teswirler