Tehnologiýa analitigi Jon Prosseriň paýlaşan twitine görä, “Apple” üç ýyldan soň “iPhon”-yň içki ýadyny iň ýokarky derejä çenli artdyrmak kararyna geldi. Bu nukdaýnazardan täze iPhonlarda 1 TB içerki ýat bilen geler.
“Apple” her täze “iPhone” modeli bilen, garaşylşy ýaly kameranyň hilini hasam ýokarlandyrýar we ulanyjylara has köp surata we wideo düşürmäge ugrukdyrýar.
“Apple” adatça iki ýylda bir gezek “iPhone” -yň iň ýokary saklaýyş mümkinçiligini iki esse köpeldýär, ýöne şereket “iPhone Xs” bilen yglan edilen 512 GB göwrümini üç ýyldan hem artdyrmak islemedi. Şereketiň “iPhone 6” we “iPhone 6S 128 GB” göwrümine seredenimizde; “IPhone 7”, “iPhone 8” we “iPhone X” üçin iň ýokary 256 GB ammar hödürländigini görýäris.
“Twitter” arkaly “Apple” -iň “iPhone 13” bilen 1 TB içki ýady meýilleşdirjekdigini habar berdi. Elbetde, Prosseriň anyk maglumaty aýtmaýandygyny göz öňünde tutup, “Apple” -iň ýylyň ortasynda 1 TB iPhone 12 Pro Max yglan etmek mümkinçiliginiň bardygyny hem aýdyp bileris.
Bir seretseň, smartfon üçin 1 TB ýatda saklamak zerur däl ýaly bolup biler. Şeýle-de bolsa, hasabatymyzyň başynda habar berşimiz ýaly, “Apple” “iPhone”-yň kamerasynyň işleýşini yzygiderli gowulandyrýar we 4K 60fps wideo ýaly ýokary çözgütli media faýllary içerki ammaryň gysga wagtyň içinde doldurylmagyna sebäp bolup biler.
Gurbanjemal PAŞYKOWA,
S.A.Nyýazow adyndaky Türkmen
oba hojalyk uniwersitetiniň talyby.
Teswirler