LG täze görnüşli telefony Q52-ni tanyşdyrdy. Q52-niň iň täsirli aýratynlygy, MIL-STD-810G şahadatnamasynyň bolmagydyr.
Günorta Koreýanyň tehnologiýa ägirdi bolan LG kompaniýasy gurnan çäresinde Q52 atly täze görnüşli telefonyny tanyşdyrdy. Telefonyň şol bir kategoriýadaky beýleki modeller bilen meňzeş aýratynlyklary bar bolsa-da, Q52-niň MIL-STD-810G kepilnamasynyň bolmagy telefony birnäçe ädim öňe süýşürdi diýen ýaly.
LG-iň täze smartfonynda 6,6 dýuým HD + durulykly IPS LCD displeýi bar. Degişli ekranda 13 MP durulykdaky kamera bar. Şeýle hem, ekrany açmak üçin LG Q52-iň gapdal panelinde barmak yzy okyjy datçigi bar.
LG Q52 “MediaTek Helio P35” prosessor bilen üpjün edilen. Bu prosessor 4 GB RAM we 64 GB içki ýadynyň bardygyny bellemek gerek. Ulanyjylar telefonyň mikro SD goldawy bilen içki ýadyny giňeldip bilerler. “Android 10” operasiýa ulgamyndan başga-da, “LG Q52” akylly telefony, 4000 mAh batareýa güýji öz içine alýar.
Telefonyň arka tarapyna seredenimizde, dört kameranyň gurnalandygyny görýäris. Bu kamera gurnama, 48 MP durulykdaky esasy arka kamerany, 8 MP ultra giň burçly kamerany, 2 MP makro kamerany we 2 MP çuňlukly kamerany öz içine alýar. Telefonyň arka panelinde polikarbonat gurluşy bar, bu telefonda barmak yzlaryny okamagy başarýanlygydyr.
Durdymuhammet ORAMOW,
S.A.Nyýazow adyndaky Türkmen
oba hojalyk uniwersitetiniñ talyby.
Teswirler