S.A.Nyýazow adyndaky Türkmen oba hojalyk uniwersitetinde inni her hepde üýtgeşik ösümlikler, agaçlar barada pikir alyşylýar. Ol agaçlary ýa-da ösümlikleri ýurdumyzda ösdürip ýetişdirmek boýunça häzirki wagtda telekeçiler, daýhanlar gijesini gündiz edip işleýärler. Bu gezekki maslahat papaýa we banan ýaly miweli agaçlar barada boldy. Maslahatyň çäklerinde mugallymlar, telekeçiler we daýhanlar ýyladyşhanalarda ösdürilip ýetişdirilýän, daşary ýurtdan getirilen miweli agaçlar bilen içgin tanyş boldular.
Papaýa agajy barada aýdanymyzda bolsa, ol üýtgeşik miweli agaç bolup, ol gawuna gaty çalym edýär. Papaýa türkmen diline terjime edilende “gawun agajy” diýmegi aňladýar. Papaýa dermanlyk, tropiki miwe bolup durýar. Papaýa entek ýurdumyzda känbir sarp edilmeýän miwedir. Onuň kiçi gara tohumlary bar. Häzirki wagtda, dermanlyk häsiýetli bu miwäni ýurdumyzda ösdürip ýetişdirmek üçin işler alnyp barylýar.
Banan hem tropiki miwe bolup ilat tarapyndan iň söýülip harçlanýan miweleriň biridir. Banan türkmen telekeçileri tarapyndan ýyladyşhanalarda ösdürilip ýetişdirilmäge başlandy. Geçen ýyl, Mary welaýatynyň Sakarçäge etrabynyň ýaşaýjysy Rejepgeldi Täşliýew 1 gektar ýerden geçen 49 tonnadan gowrak banan aldy. Bu ýyl bolsa 60 tonna hasyl garaşýar. Banan gün şöhlesini söýýän miwe. Näçe gün şöhlesi köp düşse şonça-da miwesi süýji bolýar.
Geljekde banan ýetişdirmek boýunça alnyp barylýan işler öz netijelerini berse, goňşy döwletlere eksport etmäge aýratyn mümkinçiligi bar. Türkmenistanda banan ýetişdirmek goňşy döwletlere eksport etmek az çykdajyly ýagdaýda bolup, geografiki ýerleşişi örän strategikdir. Gazagystan, Özbegistan, Gyrgyzystan we Owganystan döwletlerinden häzirden talaplar gelip başlady.
Maýsagül ÇARYÝEWA,
S.A.Nyýazow adyndaky Türkmen
oba hojalyk uniwersitetiniñ mugallymy.
Şeýle-de okaň:
Tropiki miweleri Türkmenistanda ýetişdirmek barada ylmy pikir alyşma geçirildi
Injir agajynyň ekilşi barada pikir alyşma geçirildi
Dermanlyk ösümlikler barada ylmy pikir alşyldy
Eksport potensiýaly – azyk bolçulygynyň habarçysy
Oba-hojalygyna zyýansyz möjejikleri köpeltmeli
Teswirler