“Instagram”-yň köpden bäri garaşylýan täze ulgamynyň girizilmegi bilen häzirki wagtda 50 000-den gowrak ulanyja elýeterli boldy. Bu aýratynlyk bilen, “IGTV” wideolarynda hem mahabat synagy başlandy.
Instagram-da pul gazanmagy aňsatlaşdyrmak üçin bu täze aýratynlyk arkaly 50.000-den gowrak ulanyja göni ýaýlymda “nyşanlary” satmaga mümkinçilik berýändigini mälim etdi. Tölegli esasda satyn alyp bolýan bu nyşanlar janköýerleriň göni ýaýlymda özüni görkezmeginiň bir usulydyr.
Bu täze aýratynlyk bilen, nyşan eýelerine göni ýaýlymda goşmaça girdeji gazanyp bilerler. Bu aýratynlyk bilen, IGTV üçin mahabat synaglary giňeldilip başlanynda has köp ulanyjy göni ýaýlymlary açyp başlar diýip pikir edilýär. Uzyn wideolary paýlaşmaga mümkinçilik berýän IGTV, mazmun döredijilerine uzak wideolardan mahabat girdejisini almak mümkinçiligini hem giňelder. Häzirki wagtda diňe ABŞ-daky käbir hasaplara elýeterli bolan IGTV mahabat girdeji aýratynlygy, ýakyn wagtda has köp ulanyjylar üçin elýeterli bolar.
“Instagram” täze gurallar bilen Twitch, YouTube ýaly platformalara garşydaş bolmagy maksat edinýär. Täze aýratynlyklar bilen “Instagram”-da mahabatdan başga çeşmelerden hem girdeji gazanmak mümkin bolar. Häzirlikçe, kompaniýa mazmun döredijilere nyşanlardan gazanan ähli girdejilerini almaga mümkinçilik berýär, ýöne geljekki günlerde Instagram girdejiniň belli bir mukdaryny aýratynlyk üçin alyp galmagy meýilleşdirýär.
Çeper ALLABERDIÝEWA,
S.A.Nyýazow adyndaky Türkmen
oba hojalyk uniwersitetiniñ talyby.
Teswirler