GDA agza ýurtlarynyň arasynda bilim pudagy boýunça 2020-nji ýylyň 21-nji oktýabrynda wideo konferensiýa arkaly maslahat geçirildi. Maslahata Ermenistan, Belarussiýa, Gazagystan, Gyrgyzystan, Russiýa we Täjigistan Özbegistan ýaly döwletlerden birnäçe wekiller we çagyrylan adamlar gatnaşdy.
Maslahatda 20-den gowrak mesele ara alyp maslahatlaşdylar. Hususan-da, «GDA döwletleriniň we esasy guramalaryň ösüşiniň geljegi», «Arkalaşygyň ýurtlarynyň taryhyny öz içine alyjy bilim pudagynda pedagogiki işgärleri taýýarlamaklyk» meseleleri, şeýle hem işlenip düzülýän bu iki resminamanyň taslamasyny taýýarlamagyň gidişine seredildi.
Mundan başga-da 2021-nji ýylda bilim edaralarynyň hyzmatdaşlygy boýunça ylmy we usulyýet maslahatyny geçirmeklik meselesi ara alnyp maslahatlaşyldy.
GDA agza ýurtlaryň mugallymlarynyň degişli kongresleriniň 2022-2024-nji ýyllarda geçiriljek seneleri kesgitlenildi. Olar degişlilikde Gazagystan we Ermenistan Respublikasynda geçiriler.
Maslahata gatnaşýan dürli döwletden wekiller 2021–2022-nji ýyllar üçin iş meýilnamasyny tassykladylar.
Geçirilen mejlisiň ýygnagynda Ermenistan Respublikasynyň bilim, ylym, medeniýet we sport ministriniň orunbasary Artur Martirosýan GDA agza ýurtlaryň bilim pudagyndaky hyzmatdaşlyk geňeşiniň başlygy wezipesine saýlanyldy.
Ogulnyýaz BABAÝEWA,
S.A.Nyýazow adyndaky Türkmen
oba hojalyk uniwersitetiniñ mugallymy.
Teswirler