Türkmenistanda boş iş orunlaryny Zähmet we Ilaty Durmuş Goramak ministrliginiň web sahypasynda tapyp bilersiňiz.
Türkmenistanyň Zähmet we ilaty durmuş taýdan goramak ministrligi resmi internet saýtyndaky «Türkmenistanyň ilatynyň iş bilen üpjünçiligi» atly sahypanyň hyzmatyndan peýdalanmaga çagyrýar.
Bu sahypanyň üsti bilen kärhanalar, edaralar we guramalar, şeýle hem aýry-aýry fiziki şahslar — hususy telekeçiler özlerinde bar bolan boş iş orunlary, olar üçin zerur bolan hünärmenler, işçiler barada maglumatlary ýerleşdirip, gyzyklanýanlaryň, iş gözleýänleriň dykgatyna ýetirip hem-de olaryň arasyndan özlerine laýyk gelýänlerini saýlap-seçip alyp bilerler.
Iş gözleýän raýatlar bolsa, hünärine laýyklykda bar bolan boş iş orunlary baradaky maglumatlar bilen tanyşmak mümkinçiligine eýe bolarlar.
Gyzyklandyrýan sowallar boýunça ministrlige, onuň garamagyndaky zähmet we ilatyň iş bilen üpjünçiligi edaralaryna ýüz tutup bilersiňiz!
Habarlaşmak üçin telefon belgilerimiz: 39-48-50, 39-48-20. Internet saýtymyzyň salgysy: http://mlsp.gov.tm
Teswirler