28-nji oktýabrda koronawirus pandemiýasy sebäpli Russiýa Federasiýasynyň Tatarystan Respublikasynda galan türkmen talyplaryny ýörite çarter uçuşy bilen watanymyza getirmek meýilleşdirilýär.
Uzak aralyga uçuş Boeing 777-200LR uçarynda amala aşyrylar we türkmen talyplarynyň 277-sini watanymyza getirer. Bu ýörite uçuş Türkmenistanyň Hökümetiniň çözgüdi esasynda amala aşyrylýar.
Bütindünýä saglygy goraýyş guramasynyň (BSGG) tekliplerine laýyklykda, Russiýadan geljek Türkmenistanyň ähli raýatlary hökmany iki hepdelik karantini geçerler.
Ýokanç keseliň ýüze çykan ilkinji günlerinden başlap, daşary ýurtlarda ýaşaýan türkmen talyplary we raýatlarymyz ýörite uçuşlar arkaly watanymyza getirilýär. Bu işler häzirki wagtda hem dowam etdirilýär.
Teswirler