24-nji oktýabrda Abu Dabide Ultimate Fighting Championship (UFC) çempiony Habib Nurmagomedow Amerikaly Jastin Getji bilen UFC 254 ýaryşynda «söweş adasynda» söweşer.
UFC 254 ýaryşynyň esasy söweşi Russiýanyň teleýaýlymy «РЕН ТВ» tarapyndan göni ýaýlymda görkeziler. Diňe, UFC 254-iň esasy söweşi däl, eýsem ýaryşyň beýleki söweşleri hem görkeziler.
Türkmenistanda söweş sungatynyň bu görnüşiniň muşdaklary hem göni ýaýlymda Aşgabat wagty bilen sagat 00:30 başlanjak söweşi görmäge mümkinçilik taparlar. Söweş 01:00-da ýa-da soňrak bolup biler.
Habib Nurmagomedow 2008-nji ýylyň sentýabr aýynda ilkinji gezek MMA-da çykyş etdi. 32 ýaşly Nurmagomedow 28 söweş geçirip, olaryň ählisinde ýeňiş gazandy. Jastin Getji bolsa, 24 söweş geçirip, 22 ýeňiş gazandy we 2 söweşde ýeňildi.
Habib Nurmagomedow soňky söweşini 2019-njy ýylyň sentýabr aýynda Amerikaly Dastin Porýe garşy geçirip, onda ýeňiş gazanandygyny ýatladýarys.
Orazgeldi Begmyradow,
TOHU-nyň talyby.
Teswirler