2020-nji ýylyň 11-nji oktýabrynda Duşanbe şäherinde Täjigistan Respublikasynda geçirilen prezident saýlawlarynyň taýýarlanylyşyna we geçirilişine syn etmeleriň netijeleri barada şu gün GDA-nyň synçy wekilligniň metbugat ýygnagy geçirildi. Oňa Belarus Respublikasynyň Milli Assambleýasynyň Wekiller öýüniň Milli howpsuzlyk boýunça hemişelik komissiýasynyň başlygy, Belarus we Russiýa Bileleşiginiň parlamentara mejlisiniň Howpsuzlyk, goranmak we jenaýatçylyga garşy göreş boýunça komissiýasynyň başlygy Oleg Belokonew,
Belarus Respublikasynyň Täjigistan Respublikasyndaky adatdan daşary we doly ygtyýarly ilçisi Oleg Iwanow, GDA-nyň parlamentara mejlisi geňeşiniň baş sekretary Dmitriý Kobitskiý, Russiýa Federasiýasynyň Merkezi saýlaw komissiýasynyň agzasy Anton Lopatin, Ýewraziýa integrasiýasy we Ýerine ýetiriji komitetiň başlygy – GDA-nyň ýerine ýetiriji sekretary Sergeý Burutin gatnaşdy.
Metbugat ýygnagyny Ýerine ýetiriji komitetiň başlygy – GDA-nyň Ýerine ýetiriji sekretary Sergeý Burutin açdy.
Belarus Respublikasynyň Milli Assambleýasynyň Wekiller öýüniň Milli howpsuzlyk boýunça hemişelik komissiýasynyň başlygy, Belarus we Russiýa bileleşiginiň parlamentara mejlisiniň başlygy Oleg Belokonew žurnalistler bilen bolan söhbetdeşlikde: “Täjigistan Respublikasynyň Daşary işler ministrliginiň çakylygy boýunça Garaşsyz döwletler arkalaşygynyň synçy wekilligi 2020-nji ýylyň 21-nji sentýabryndan bäri Täjigistan Respublikasynda geçiriljek prezident saýlawlarynyň taýýarlanylyşyna we geçirilişine gözegçilik edýär. Täjigistan Respublikasynyň kanunlaryna, Arkalaşygyň resminamalaryna esaslanyp, saýlaw işlerine goşulmazlyk we döwletiň özygtyýarlylygyna hormat goýmak ýörelgelerine eýerip, öz wezipelerimizi erkin we garaşsyz ýerine ýetirdik.” – diýip belläp geçdi.
Şeýle-de, ol “2020-nji ýylyň 11-nji oktýabrynda geçirilen saýlawlar güni wekilligiň wekilleri 487 saýlaw uçastogyna baryp gördi. Wekillik ýokanç keselleriň, şol sanda COVID-19-yň saýlaw uçastoklarynda ýaýramagynyň öňüni almak üçin çäreleri ýola goýdy” – diýip nygtady.
“GDA-nyň synçylarynyň pikiriçe, ses bermek asuda ýagdaýda, saýlawçylaryň köp bolmagy bilen geçirildi. Wekilligiň agzalary sesleriň sanalmagyna gatnaşdylar we bu amalyň Kanunyň talaplaryna laýyklykda geçirilendigini bellediler. GDA synçylary saýlawlaryň netijelerine täsir edip biljek düzgün bozmalary ýazga geçirmediler. Wekillik, ähli derejedäki saýlaw komissiýalarynyň, häkimiýetleriň kömegi bilen saýlawlaryň ýokary guramaçylyk derejesinde geçirilmegini üpjün edendigine ynanýar.” – diýip Oleg Belokonew özüniň žurnalistler bilen bolan söhbetdeşliginde belläp geçýär.
Garaşsyz döwletler arkalaşygynyň synçy wekilligi Täjigistan Respublikasynyň Prezidentiniň saýlawlarynyň 2020-nji ýylyň 11-nji oktýabrynda geçirilendigi barada netijä geldiler, hem-de Täjigistan Respublikasynyň konstitusiýasyna we konstitusion kanunyna laýyklykda Täjigistan Respublikasynyň Prezidentiniň saýlawlarynyň demokratik saýlawlary geçirmegiň halkara derejesinde umumy ykrar edilen ýörelgelerine laýyk gelendigini, açyk bäsdeşlik esasynda Täjigistan respublikasynyň saýlawçylarynyň islegleriniň erkin beýan edilmeginiň üpjün edilendigini ykrar etdiler.
Teswirler