“GDA-nyň ýaşlar paýtagty” döwletara maksatnamasy baradaky Düzgünnamanyň taslamasyna laýyklykda “Ýaşlar paýtagty” derejesi bir ýyl möhlet bilen berler hem-de ýeňiji şäherlerde milli we halkara häsiýetli ýaşlar çärelerini geçirmek meýilleşdirilýär. Bu teklip iş toparynyň düýnki geçen mejlisinde ara alnyp maslahatlaşylan “GDA-nyň ýaşlar paýtagty” döwletara maksatnamasy baradaky Düzgünnamanyň taslamasynda bar. Duşuşyk GDA agza ýurtlaryň Ýaşlar geňeşiniň mejlisiniň öňüsyrasynda geçirildi. Bu çäre, Russiýanyň Bilim we ylym ministrliginiň wekilleriniň gatnaşmagynda RTU MIREA-da onlaýn ýagdaýda geçirildi.
Iş toparynyň mejlisine Azerbaýjan Respublikasynyň, Ermenistan Respublikasynyň, Belarus Respublikasynyň, Gazagystan Respublikasynyň, Russiýa Federasiýasynyň, Täjigistan Respublikasynyň, Özbegistan Respublikasynyň, GDA-nyň ýerine ýetiriji komitetiniň wekilleri gatnaşdy.
Gatnaşanlar maksatnamanyň durmuşa geçirilmeginiň halkara platformalarynda hyzmatdaşlygy ösdürmäge, ýaşlar üçin möhüm bolan täze formatlarda özara gatnaşyklary güýçlendirmäge mümkinçilik berjekdigini bellediler.
Duşuşykda maksatnamanyň durmuşa geçirilmegi, şol sanda, GDA-nyň Ýaşlar paýtagtyny kesgitlemek formaty GDA-nyň Ýaşlar paýtagtynyň ýagdaýyny kesgitlemekde döwlet guramalary bilen özara gatnaşykda jemgyýetçilik birleşikleriniň roluny güýçlendirmek, umuman alanyňda ýurtlaryň özara gatnaşygy barada teklipler berildi.
GDA agza ýurtlaryň Ýaşlar meseleleri boýunça geňeşiniň başlygy Grigori Petuşkow tarapyndan dolandyrylan ýygnagyň netijesi, düzgünnamanyň täzeden seredilen taslamasy boldy. Mysal üçin, GDA-nyň döwlet baştutanlarynyň geňeşi her ýyl Arkalaşygyň ýaşlar paýtagtyny tassyklaýan GDA-nyň Ýaşlar paýtagty maksatnamasynyň esaslandyryjysy bolar. GDA ýurtlarynda bu maksatnamany gurnaýjylar, ýaşlar jemgyýetçilik guramalary bilen bilelikde ýaşlar syýasatynyň durmuşa geçirilmegini utgaşdyrýan döwlet edaralary bolar.
Iş toparyny döretmek karary GDA-nyň Ýaşlar meseleleri boýunça geňeşiniň 2019-njy ýylyň noýabr aýynda Bakuwda geçirilen mejlisinde kabul edildi. Bu ýerde GDA agza ýurtlaryň ýaşlar bilen işlemek üçin esasy guramasy (RTU MIREA) hem-de Russiýanyň Milli Ýaşlar we Çagalar assosiasiýalary Geňeşi bilen bilelikde işlenip düzülen düzgünnamanyň taslamasy, esas hökmünde kabul edildi.
Iş toparynyň netijelerinden soň, GDA agza ýurtlaryň Ýaşlar meseleleri geňeşiniň 2020-nji ýylyň 16-njy oktýabrynda geçiriljek mejlisinde ara alyp maslahatlaşmak üçin “GDA-nyň ýaşlar paýtagty” döwletara maksatnamasy baradaky Düzgünnamanyň taslamasyny hödürlemek kararyna gelindi.
Toýly Jänädow
Teswirler