Häzirki wagtda alnyp barylýan birnäçe gözleg işleri netijesinde ABŞ-nyň Kaliforniýa uniwersitetiniň San-Diýego lukmançylyk fakultetinde geçirilen täze ylmy gözleg işlerinde, emeli aňyň adamlaryň ýalňyzlyk derejesini ses äheňinden hem-de soraglara jogaplaryndan ölçäp boljakdygy subut edildi.
Şeýlelikde, emeli aňyň iň esasy maksady “Tebigy dilleri gaýtadan işlemek” (Natural language processing) ýagny, kompýuterleriň söz we ýazuw tekstini tanamak, düşünmek we jogap bermek ukyby bolup durýar. “Tebigy dilleri gaýtadan işlemek” esasynda, resminamalary hem-de gepleşikleri sekuntda bir dilden beýlekisine terjime edip, birnäçe dillerde ýazylan kitaplary öz dilimizde ýazylan ýaly edip okamaga mümkinçilik döreder. Şeýle hem sekuntda müňlerçe kitaby özünde jemläp, sosial mediýada paýlaşylan makalalary, wideolary seljerip, ulanyjylaryň haýsy syýasy garaýyşlara ýakyndygyny çaklamalar esasynda bileris.
Mundan başga-da, banklaryň ýa-da beýleki merkezleriniň telefonlaryna “Tebigy dilleri gaýtadan işlemek” kömegi arkaly jogap berip bileris. Şeýle hem, müşderiler enjam bilen öz meselelerini hakyky adam bilen iş salyşmazdan, aňsatlyklyk bilen çözüp bilerler.
Şeýlelikde emeli aňyň kömegi bilen “Tebigy dilleri gaýtadan işlemek” işimizi has-da aňsatlaşdyrar.
Hudaýberdiýew AÝMYRAT
Türkmen oba hojalyk institutynyň talyby
Teswirler