Şu ýylyň dekabr aýynda Kuweýtde geçiriljek Futzal boýunça Aziýa çempionatyna taýýarlyk görýän ýurdumyzyň milli ýygyndysynyň täze tälimçiler topary mälim edildi. Toparymyzyň baş tälimçisi wezipesine belli hünärmen, öz döwründe milli ýygyndy toparymyzda çykyş eden Guwanç Kanaýew bellenildi.
G.Kanaýewiň, şeýle hem ýurdumyzyň futzal toparlaryny, 2012-nji ýylda milli ýygyndymyzy, 2018-nji ýylda ýaşlar ýygyndymyzy (U20) türgenleşdiripdi. 2019 – 2020-nji ýyllarda bolsa futzal boýunça milli ýygyndymyzyň baş tälimçisi R.Grdowiçiň kömekçisiniň wezipesini ýerine ýetiripdi. Bu wezipede belli hünärmenimize Mekan Muhammetmyradow kömek eder.
Ýeri gelende bellesek, 2020-nji ýylyň aprel aýyna çenli ýurdumyzyň futzal ýygyndysyny horwatiýaly hünärmen Robert Grdowiç türgenleşdiripdi. Horwatiýaly hünärmeniň şertnama möhletiniň tamamlanmagy bilen, milli ýygyndymyzyň ýerli hünärmenleriň ýolbaşçylygynda öňde goýlan wezipelere ýetmegiň ýolundaky täze ädimleriniň şowly bolmagyny arzuw edýäris.
Jumagül Rozyýewa
talyp
Şeýle-de okaň:
Futzal Aziýa çempionaty-2020-niň tertibi
Aziýanyň futzal çempionatynda Türkmenistanyň, Omanyň, Täjigistanyň we Wýetnamyň ýygyndylary bir toparçada bäsleşerler
Ýyllar sporta beslenýär
Teswirler