Moskwanyň döwlet uniwersitetiniň we Olimpiýa guramaçylyk komitetiniň alymlar topary 54 – nji Halkara Mendeleýew himiýa olimpiadasyny gurnadylar. Nobatdaky geçirilen onlaýn olimpiada – da ýurdumyzyň mekdep okuwçylary 4 medal gazanmagy başardylar. Geçirilen Halkara onlaýn olimpiada 27 döwletden jemi 131 okuwçy gatnaşdy. Ýurdumyzyň adyndan gatnaşan mekdep okuwçylary umumylykda 4 medal , ýagny 2 sany kümüş we 2 sany bürünç medal gazandylar.
Turkmenportal.com saýtynyň habar bermegine görä, kümüş medaly paýtagtymyzda ýerleşýän Aýratyn zehinli çagalaryň Döwlet mekdep-internatynyň 10-njy synp okuwçysy Berdigylyç Rejepbaýew hem – de Aşgabat şäherindäki iňlis dili, himiýa we biologiýa derslerini çuňlaşdyryp öwredýän 86-njy orta mekdebiň 9-njy synp okuwçysy Dawut Muhammetgulyýew dagylar öz atlaryna ýazdyrmagy başardylar.
Aýratyn zehinli çagalaryň Döwlet mekdep-internatynyň 10-njy synp okuwçysy Ýusup Döwletmyradow we şol mekdep internadyň 9 – njy synp okuwçysy Gözel Döwranowa bürünç medal gazandylar. Mekdep okuwçylarynyň bu üstünligi olara ýolbaşçylyk eden Aýratyn zehinli çagalaryň Döwlet mekdep-internatynyň himiýa mugallymy Nazar Mämmedowyň yhlasynyň ýerine düşenliginiň aýdyň subutnamasydyr.
Teswirler