«Türkmenistanyň Bitaraplygynyň 25 ýyllygyna» atly Türkmenistanyň ýubileý medaly döredildi. Mälim bolşy ýaly, bu ýyl hemişelik Bitaraplygymyzyň hukuk ýagdaýyna eýe bolmagyna 25 ýyl dolýar.
Bu ýubileý medaly bilen, Garaşsyz, hemişelik Bitarap Türkmenistanyň goranmak ukybyny berkitmäge, raýatlaryň howpsuzlygyny, kanunylygyny we hukuk tertibini üpjün etmek üçin goşant goşan raýatlar, ylym-bilim, medeniýet, saglygy goraýyş we başgada ýurduň beýleki ähli ugurlaryny ösdürmek boýunça bitiren uly hyzmatlary üçin raýatlar sylaglanar. Bu sylag bilen daşary ýurt raýatlary hem sylaglanylyp bilner.
«Türkmenistanyň Bitaraplygynyň 25 ýyllygyna» atly Türkmenistanyň ýubileý medaly sekizburçluk görnüşinde ýasalan, burçlaryň her birinde açyk ýaşyl reňkli milli nagyşlar şekillendirilen. Sekizburçlugyň merkezinde umumy diametri 30.34 mm bolan tegelekleriň ikisi ýerleşdirilen, diametri 22.62 mm bolan içki tegelekde Birleşen Milletler Guramasynyň nyşany şekillendirilen. Nyşanyň üstünde boýy 18.34 mm, ini 10.82 mm bolan Türkmenistanyň Bitaraplyk binasy, onuň sag tarapynda boýy 7.87 mm, ini 6.83 mm bolan Türkmenistanyň parlap duran baýdagynyň şekili, çep tarapynda bolsa boýy 3.02 mm, ini 8.86 mm bolan Türkmenistanyň hemişelik Bitaraplygynyň 25 ýyllygyny aňladýan rim san bilen «XXV» diýen ýazgy şekillendirilen. Ýubileý medalynyň içki tegeleginiň daşynda ýerligi ak reňk bilen syrçalanan tegelek halkanyň içinde harplaryň ölçegi 1.40 mm bolan «GARAŞSYZ, BAKY BITARAP TÜRKMENISTAN!» diýen altyn çaýylan ýazgy ýerleşdirilen. Tegelek halkanyň içindäki sekizburçlugyň we ýüzlenme belgisiniň beýikligi — 1.85 mm. Ýubileý medalynyň umumy diametri — 72.68 mm. Ýubileý medaly halkajyklar arkaly ini 30.82 mm we beýikligi 20.22 mm bolan baýdak görnüşdäki kolodka birleşdirilýär. Ýaşyl reňkli syrça örtülen kolodkada türkmen milli gölleri, iki sany zeýtun pudagy we bäş ýyldyzly ýarym aý şekillendirilen. Ýubileý medalynyň arka ýüzündäki tegelek şekiliň diametri — 31.06 mm, iňňebagjygyň uzynlygy — 25.61 mm. Ýubileý medaly 925 mähekli kümüşden ýasalyp, onuň ýüzüne altyn çaýylýar.
Ýörite medal döredildi
30.03.2020
22:39
0
Teswirler