Türkmenistanyň Prezidenti penşenbe güni sanly wideo aragatnaşyk arkaly geçirilen Ministrler Kabinetiniň nobatdaky ýygnagynda Türkmenistanyň ähli ministrlikleriniň, pudak edaralarynyň, welaýat we Aşgabat şäher häkimlikleriniň we hukuk görnüşine garamazdan beýleki edara-kärhanalaryň öz web-saýtlaryny we elektron maglumat ulgamynyň döredilmegi barada Karara gol çekdi.
Resminama laýyklykda edaralara, kärhanalara we guramalara, şeýle hem ýuridik şahsy döretmezden telekeçilik işini amala aşyrýan fiziki şahslara-hususy telekeçilere elektron resminamalar dolanyşygy ulgamyny we web-saýtlary bellenen tertipde döretmegi, işe girizmegi we olaryň yzygiderli işjeň täzelenip durulmagyny üpjün etmek tabşyryldy.
Döwlet Baştutany bu işlere 2020-nji ýylyň mart aýynda başlamagy we elektron resminamalar dolanyşygy ulgamyny hem-de internet web-saýtlaryny 2021-nji ýylyň ýanwar aýyna çenli işe girizmegi belledi.
Häzirki wagtda www.e.gov.tm platformasy raýatlar üçin döwlet tarapynda hödürlenýän ähli hyzmatlary özünde jemlemegi meýilleşdirýär. Platformanyň mazmuny günsaýyn artýar.
Surat çeşmesi: www.business.com.tm
Teswirler