«Türkmengaz» döwlet konserni, «Nebit-gaz» gazetiniň redaksiýasy «Gazyk» hususy kärhanasy bilen bilelikde 1941—1945-nji ýyllaryň Beýik Watançylyk urşunda gazanylan Ýeňşiň 75 ýyllygy mynasybetli, söweş meýdanlarynda ata-babalarymyzyň görkezen gahrymançylygyny şöhratlandyrmak,
olaryň taryhy ähmiýetini has-da artdyrmak maksady bilen, «Gahrymanlaryň edermenligi nesillere nusgadyr» atly şygar astynda iň gowy makalalaryň, goşgularyň, foto we çekilen suratlaryň döredijilik bäsleşigini yglan edýär.
Bäsleşigiň netijeleri 1941—1945-nji ýyllaryň Beýik Watançylyk urşunda gazanylan Ýeňiş gününiň öňüsyrasynda yglan ediler. Bäsleşigiň ýeňijileri Hormat hatlary we gymmat bahaly baýraklar bilen sylaglanar.
Mundan başga-da, höweslendiriji baýraklaryň 50-si goýlup, olara mynasyp bolanlar 2020-nji ýylyň ikinji ýarymy üçin «Nebit-gaz» gazetine muzdsuz abuna ýazylarlar.
Döredijilik bäsleşigine hödürlenen işleri we awtorlar baradaky maglumatlary (işleýän ýa-da okaýan ýeri, öý salgysy, telefon belgisi) şu salgy boýunça ibermeli:
Aşgabat şäheri, Arçabil şaýolunyň 56-njy jaýy, «Nebit-gaz» gazetiniň redaksiýasy.
Telefony: (99312) 44-08-40, faks: (99312)44-19-13.
Elektron salgymyz: nebit-gazgazeti@online.tm
Guramaçylyk topary
Teswirler