Aşgabat şäher salgyt bölümi, hususy telekeçileriň we şahsy taraplaryň 2019-njy ýylyň jemi boýunça hasabat döwri üçin «Salgytlar hakynda» Türkmenistanyň Bitewi kanunynyň düzgünlerinde bellenilen möhletlerden
gijä galman salgyt beýannamalaryny tabşyrmaklygy we hasaplanan salgytlary tölemekligi ýatladýar:
- Ýeňillikli salgyt salmak ulgamy boýunça işleýän telekeçiler tarapyndan goşmaça patent tölegi boýunça beýannamalary 2020-nji ýylyň 1-nji ýanwaryndan 15-nji fewrala çenli gijä galman tabşyrylýar we hasaplanan goşmaça patent tölegi 2020-nji ýylyň 25-nji fewralyna çenli tölenýär.
- Salgyt salynýan umumy ulgamy boýunça salgyt töleýän şahsy taraplar — hususy telekeçiler tarapyndan goşulan baha üçin salgyt boýunça salgyt beýannamasy 2019-njy ýylyň 1nji iýulyndan 31-nji dekabr döwri üçin 2020-nji ýylyň 20-nji ýanwaryndan gijä galman tabşyrylýar we hasaplanan salgyt 2020-nji ýylyň 1nji martyna çenli tölenýär. Şahsy adamlardan alynýan girdeji salgyt boýunça salgyt beýannamasy 2019-njy ýylyň 1nji iýulyndan 31-nji dekabr döwri üçin 2020-nji ýylyň 25-nji ýanwaryndan gijä galman tabşyrylýar we hasaplanan salgyt 2020-nji ýylyň 10-njy fewralyna çenli tölenýär.
- Şäherleriň, şäherçeleriň we oba ýerleriniň çäklerini abadanlaşdyrmak üçin belli bir maksada gönükdirilen ýygym töleýän şahsy taraplar — hususy telekeçiler tarapyndan salgyt beýannamasy 2020-nji ýylyň 15nji fewralyndan gijä galman tabşyrylýar we hasaplanan ýygym 2020nji ýylyň 25-nji fewralyna çenli tölenýär.
Aşgabat gazeti, 04.01.2020
Teswirler