Türkmenistanyň Prezidentiniň 2020-nji ýylda Ýaponiýanyn Tokio şäherinde geçiriljek tomusky Olimpiada gatnaşjak türgenleriň sport lybasyny tassyklap bermegi we 2020-nji ýylyň «Türkmenistan – Bitaraplygyň mekany» ýyly diýip yglan edilmegi mynasybetli Türkmen döwlet bedenterbiýe we sport institutynda hoşallyk maslahaty geçirildi.
Hoşallyk maslahatyna Türkmenistanyň Sport we ýaşlar syýasaty ministrliginiň garamagyndaky sport mekdepleriň müdirleri, TDBSI-niň talyplary we professor-mugallymlary, şeýle-de sport görnüşleri boýunça federasiýalaryň ýolbaşçylary we wekilleri gatnaşyp, olar hormatly Prezidentimize sporty ösdürmek babatda alyp barýan tutumly işleri üçin hoşallyklaryny bildirdiler.
2020-nji ýylyň Tokioda guraljak tomusky Olimpiýa oýunlary bilen ýadymyzda galjakdygy sebäpli, Täze ýylyň bosagasynda Türkmenistanyň Prezidentiniň 2020-nji ýylda Ýaponiýanyn Tokio şäherinde geçiriljek tomusky Olimpiada gatnaşjak türgenleriň sport lybasyny tassyklap bermegi ýatdan çykmajak waka boldy. Çykyş edenler bu hakykaty aýratyn nygtap bellediler.
Täze ýylyň «Türkmenistan – Bitaraplygyň mekany» ýyly diýip yglan edilmegi bolsa sportuň parahatçylygyň ilçisidigi hakyndaky ýörelgäniň Türkmenistanyň döwlet syýastaynyň içinden eri-argaç bolup geçýändigini görkezýär.
Hoşallyk maslahaty Türkmenistanyň Sport we ýaşlar syýasaty ministrligi bilen Türkmen döwlet bedenterbiýe we sport institutynyň bilelikde guramagynda geçirildi.
Türkmenistanyň Sport we ýaşlar syýasaty ministrliginiň resmi saýtynyň materiallary esasyda taýýarlanyldy.
Teswirler