Aşgabat şäherinde ýerleşýär “Berkarar” dynç alyş we söwda merkezinde bu ýere dynç almaga gelen ýaşlardan olaryň Täze ýyl baýramçylygy barada pikirlerini soradyk.
Geçip barýan 2019-njy ýyl barada berilen beýanlaryň arasynda okuwa giren, toý eden, medeni we sport ýaryşlaryna gatnaşanlara duş geldik.
Umuman alanyňda ýaşlar Täze ýyl baýramy mynasybetli sowgat alyş-çalyşy däbini gowy görýän hem bolsa, bu baýramçylygyň esasen hem kiçi çagalar üçin has manylydygyna ynanýan, şol sebäpli hem bu baýramçylygyň özünde üýtgeşik duýgy oýarmaýandygyny inkär etmeýänler hem bar.
2020-nji ýylda talyplyk ýoluna gadam basjak ýaşlar bilen bir hatarda, bäbek garaşýan söhbetdeşimize-de duş geldik.
Täze ýyl sowgadyny umuman alanyňda maşgala bagty bilen deňelýär. Şonda-da bir okuwçy söhbetdeşimiz kakasyndan täze wideo oýunlar sowgadyna garaşýandygyny beýan etdi.
Soragnamamyza bir sany daşary ýurtly okuwçy gatnaşdy. Gynansak-da bize duş gelen zenan raýatlardan biziň soragnamamyza gatnaşmaga razylyk alyp bilmedik. Munyň esasy sebäbi bolsa zenanlaryň uly bölegi baýramçylyk taýýarlyklary üçin söwda başagaýlygy bilen gelendikleri boldy.
Teswirler